Táýelsizdik kúniniń qarsańynda belgili jýrnalıst Berik Ýálı jetekshilik etetin «Amanat» pikirsaıys ıntellektýaldyq klýbynyń uıymdastyrýymen Alashorda memleketiniń 96 jyldyǵyna jáne sol memlekettiń izashary Álıhan Bókeıhanovtyń týǵanyna 147 jyl tolýyna oraı Astanada dóńgelek ústel ótti.
Táýelsizdik kúniniń qarsańynda belgili jýrnalıst Berik Ýálı jetekshilik etetin «Amanat» pikirsaıys ıntellektýaldyq klýbynyń uıymdastyrýymen Alashorda memleketiniń 96 jyldyǵyna jáne sol memlekettiń izashary Álıhan Bókeıhanovtyń týǵanyna 147 jyl tolýyna oraı Astanada dóńgelek ústel ótti.
Alǵashqy sózdi senator Murat Baqtııaruly alyp, Álıhan Bókeıhanovtyń 150 jyldyǵyn bıik dárejede ótkizý jóninde óziniń keleli oılaryn ortaǵa salyp, bul iske baılanysty tıisti oryndarǵa suraý salyp jatqanyn jetkizdi. Aıtýly kún IýNESKO deńgeıinde merekelense artyq bolmas edi degen baılamyn usyndy. Al «Alashorda» qoǵamdyq qorynyń dırektory Sultanhan Júsip: «Alash kósemderi Alash avtonomııasyn nege kesh jarııalady nemese otarshyl Reseıden bólinýge nege umtylmady» degen taqyrypta baıandama jasap, tarıhshylardyń áli de bolsa tisi bata qoımaǵan máseleni jan-jaqty qozǵap, Álıhan Bókeıhannyń jaryq kórip jatqan tańdamaly shyǵarmalary jaıly baıan etti.
Professorlar Z.Qabyldınov, D.Mahat, K.Ilııasova, t.b. Alashorda avtonomııasy týraly áli de jurtqa belgisiz derekterdi sóz etip, ult kósemi sanalatyn Álıhan Bókeıhanovtyń týǵan kúnin halyqtyq merekege aınaldyrý kerek degen oıyn eske saldy. О́zge de pikir bildirýshiler Alashorda qozǵalysynyń asqaq armany «Jas tulparǵa», ýaqyt óte kele Jeltoqsan kóterilisine ushtasqanyn, endigi jerde qazaqtyń el bolýyna irgetas bolyp qalanǵan osy úsh kezeńdi keshendi túrde zerttep, zerdeleý kerek ekenin ortaǵa saldy.
Súleımen MÁMET,
«Egemen Qazaqstan».