Fılıppınniń ortalyq bóligindegi birqatar aýdandardy jaıpap ótken «Haııan» taıfýny saldaryn joıýǵa 8 mlrd. dollar jumsaldy. Bul týraly Fılıppın prezıdenti Benıgno Akınonyń málimdemesine silteme jasaǵan ITAR-TASS habarlady.
«Úkimet apattan zardap shekken aýdandardy qalpyna keltirip, ondaǵy halyqtyń turmysyn jaqsartýdy qarastyratyn satyly joba ázirlep shyǵardy. Turǵyn úılerdiń turǵyzylýyna, ınfrastrýktýra nysandaryn qalpyna keltirý men jergilikti turǵyndarǵa medısınalyq kómek, bilim jáne basqa da qajetti qyzmetterdiń kórsetilýine basty nazar aýdarylatyn bolady» – dedi Manıla ákimshiliginiń basshysy. Ol apattan zardap shekken aýdandardy qalpyna keltirýmen qatar, olardy damytýdy qarastyratyn jobany iske asyrý 2017 jylǵa josparlanyp otyrǵanyn aıtty.
О́tken aıda Fılıppınde oryn alǵan «Haııan» taıfýny meteorologııalyq baqylaý tarıhyndaǵy eń alapat taıfýn sanalyp otyr. Apattan eldiń ortalyq bóligindegi 10 myńnan astam eldi mekende 12 mıllıonǵa jýyq adam zardap shekken. Sondaı-aq 4 mıllıonnan asa jergilikti turǵyn úıleri men barlyq dúnıe-múlikterinen aıyrylyp qaldy.
Aıdar О́risbaev.
Derekkóz: Itar-tass.com