2013 jylǵy 24 qazan Astana, Úkimet Úıi
«Paıdaly qazbalar jatqan alańdarda qurylys salýǵa ruqsat berý qaǵıdasyn bekitý týraly» Qazaqstan Respýblıkasy Úkimetiniń 2011 jylǵy 27 maýsymdaǵy № 720 qaýlysyna ózgeris engizý týraly
2013 jylǵy 24 qazan Astana, Úkimet Úıi
«Paıdaly qazbalar jatqan alańdarda qurylys salýǵa ruqsat berý qaǵıdasyn bekitý týraly» Qazaqstan Respýblıkasy Úkimetiniń 2011 jylǵy 27 maýsymdaǵy № 720 qaýlysyna ózgeris engizý týraly
Qazaqstan Respýblıkasynyń Úkimeti qaýly etedi:
1. «Paıdaly qazbalar jatqan alańdarda qurylys salýǵa ruqsat berý qaǵıdasyn bekitý týraly» Qazaqstan Respýblıkasy Úkimetiniń 2011 jylǵy 27 maýsymdaǵy № 720 qaýlysyna (Qazaqstan Respýblıkasynyń PÚAJ-y, 2011 j., № 44, 578-qujat) mynadaı ózgeris engizilsin:
kórsetilgen qaýlymen bekitilgen Paıdaly qazbalar jatqan alandarda kurylys salýǵa ruqsat berý qaǵıdasy osy qaýlyǵa qosymshaǵa sáıkes jańa redaksııada jazylsyn.
2. Osy qaýly alǵashqy resmı jarııalanǵan kúninen bastap kúntizbelik on kún ótken soń qoldanysqa engiziledi.
Qazaqstan Respýblıkasynyń Premer-Mınıstri S.AHMETOV.
Qazaqstan Respýblıkasy Úkimetiniń 2013 jylǵy 24 qazandaǵy №1144 qaýlysyna qosymsha
Qazaqstan Respýblıkasy Úkimetiniń 2011 jylǵy 27 maýsymdaǵy № 720 qaýlysymen bekitilgen
Paıdaly qazbalar jatqan alańdarda qurylys salýǵa ruqsat berý qaǵıdasy
1. Jalpy erejeler
1. Osy Qaǵıda «Jer qoınaýy jáne jer qoınaýyn paıdalaný týraly» 2010 jylǵy 24 maýsymdaǵy Qazaqstan Respýblıkasynyń Zańy (budan ári – Zań) 16-babynyń 18) tarmaqshasyna sáıkes ázirlendi jáne paıdaly qazbalar jatqan alańdarda qurylys salýǵa ruqsat berý tártibin aıqyndaıdy.
2. Paıdaly qazbalar jatqan alańdarda qurylys salýǵa ruqsat berý tártibi
2. Paıdaly qazbalar jatqan alańdarda qurylys salýǵa, sondaı-aq olar jatqan oryndarda jerasty ǵımarattaryn ornalastyrýǵa jer qoınaýyn zertteý men paıdalaný jónindegi ýákiletti organnyń (budan ári – ýákiletti organ) jáne ónerkásiptik qaýipsizdik salasyndaǵy ýákiletti organnyń ruqsatymen paıdaly qazbalardy alý múmkindigi qamtamasyz etilgen nemese qurylys salýdyń ekonomıkalyq oryndylyǵy dáleldengen jaǵdaılarǵa ruqsat etiledi.
3. Paıdaly qazbalar jatqan alańda kurylys salýǵa, sondaı-aq olar jatqan oryndarda jerasty ǵımarattaryn ornalastyrýǵa ruqsat alý úshin jeke nemese zańdy tulǵa jer qoınaýyn zertteý men paıdalaný jónindegi ýákiletti organnyń aýmaqtyq bólimshesine (budan ári – aýmaqtyq bólimshe) erikti nysandaǵy ótinimdi jiberedi, onda zańdy tulǵanyń ataýy nemese jeke tulǵanyń tegi, aty, ákesiniń aty, onyń vedomstvolyq qatystylyǵy, mekenjaıy, geografııalyq koordınattardaǵy qurylys obektisiniń ornalasatyn jeri kórsetiledi.
4. Jeke nemese zańdy tulǵalardyń ótinimin aýmaqtyq bólimsheler ony tirkegen sátten bastap 10 (on) jumys kúni ishinde qaraıdy.
Jeke nemese zańdy tulǵa málimdegen aldaǵy qurylys salý alańynyń astynda paıdaly qazbalar bolmaǵan (mańyzdylyǵynyń azdyǵy) jaǵdaıda, aýmaqtyq bólimshe málimdelgen alańda qurylys salýǵa ruqsat beretin qujat bolyp tabylatyn, jatqan paıdaly qazbalardyń joq ekeni (mańyzdylyǵynyń azdyǵy) týraly qorytyndy beredi. Bul rette kórsetilgen qujatty ónerkásiptik qaýipsizdik salasyndagy ýákiletti organmen kelisý talap etilmeıdi.
Aýmaqtyq bólimshe oǵan zańdy nemese jeke tulǵa bergen paıdaly qazbalardyń joq ekeni (mańyzdylyǵynyń azdyǵy) týraly qorytyndylardy esepke alýdy jáne tirkeýdi júrgizedi.
Jeke nemese zańdy tulǵa málimdegen aldaǵy qurylys salý alańynyń astynda paıdaly qazbalar bar bolǵan jaǵdaıda, aýmaqtyq bólimshe 2 (eki) jumys kúni ishinde ýákiletti organǵa paıdaly qazbalar jatqan alańdarda qurylys salýǵa ruqsat berý týraly máseleni qaraý úshin ótinimdi qosa bere otyryp, aldaǵy qurylys salý alańynyń astynda paıdaly qazbalardyń bolýy týraly qorytyndyny jáne jeke nemese zańdy tulǵaǵa jazbasha habarlamany jiberedi.
5. Ýákiletti organ osyndaı qorytyndy kelip túskennen keıin 2 (eki) jumys kúni ishinde ónerkásiptik qaýipsizdik salasyndaǵy ýákiletti organǵa kórsetilgen qorytyndynyń kóshirmelerin jáne zańdy nemese jeke tulǵanyń ótinimderin paıdaly qazbalar jatqan alańdarda qurylys salýǵa, sondaı-aq olar jatqan oryndarda jerasty ǵımarattaryn ornalastyrýǵa ruqsat berý týraly máseleni qaraý úshin jiberedi.
6. О́nerkásiptik qaýipsizdik salasyndaǵy ýákiletti organ ýákiletti organnan aýmaqtyq bólimshe qorytyndysynyń kóshirmeleri men zańdy nemese jeke tulǵanyń ótinimderi kelip túsken sátten bastap 5 (bes) jumys kúni ishinde atalǵan qujattardy qaraıdy jáne ýákiletti organǵa paıdaly qazbalar jatqan alańdarda qurylys salýǵa ruqsatty ne osy Qaǵıdanyń 8-tarmaǵynda kózdelgen jaǵdaılarda jazbasha túrde dáleldi bas tartýdy jiberedi.
7. Ýákiletti organ ónerkásiptik qaýipsizdik salasyndaǵy ýákiletti organnyń ruqsaty kelip túsken sátten bastap 2 (eki) jumys kúni ishinde zańdy nemese jeke tulǵaǵa ýákiletti organnyń jáne ónerkásiptik qaýipsizdik salasyndaǵy ýákiletti organnyń paıdaly qazbalar jatqan alańdarda qurylys salýǵa arnalǵan ruqsatty ne osy Qaǵıdanyń 8-tarmaǵynda kózdelgen jaǵdaılarda jazbasha túrde dáleldi bas tartýdy beredi.
8. Eger qurylys salý barysynda jer qoınaýynan paıdaly qazbalardy alý múmkin bolmasa nemese qurylys salýdyń ekonomıkalyq oryndylyǵy dáleldenbese, paıdaly qazbalar jatqan alańda qurylys salýǵa, sondaı-aq olar jatqan oryndarda jerasty ǵımarattaryn ornalastyrýǵa ýákiletti organnyń ruqsatyn jáne ónerkásiptik qaýipsizdik salasyndaǵy ýákiletti organnyń ruqsatyn berýden bas tartylady.
9. Ýákiletti organ ózine zańdy nemese jeke tulǵalar bergen paıdaly qazbalar jatqan alańdarda qurylys salýǵa, olar jatqan jerlerde jerasty ǵımarattaryn ornalastyrýǵa ruqsattardy, sondaı-aq ónerkásiptik qaýipsizdik salasyndaǵy ýákiletti organ bergen ruqsattardy esepke alýdy jáne tirkeýdi júrgizedi.