Shyǵys Qazaqstan oblysynda bir ǵasyr jasaǵan 66 qarııa turady. Bul týraly Altaynews.kz habarlady.
Búginde atalǵan aımaqta turatyn ulandyq Gúlsara Sharmanova 111 jasqa keldi. Osy oraıda, 90 men 100 jas aralyǵyndaǵy qarttardyń sany 200-nan asyp ketkenin atap ótken jón. Olar ózderiniń ónegeli jolynan jastarǵa árdaıym syr shertip, keńes berip otyrady. Jaqynda oblys ákimi Berdibek Saparbaev osy abzal jandarmen kezdesý ótkizip, ıgi tilegin jetkizdi. Ol óz sózinde oblysta aqsaqaldar men soǵys ardagerleri keńesiniń jumys isteıtinin, 1000-nan asa ardagerler uıymdary qurylǵanyn atap ótti.
«Shyǵys óńirinde qarııalardy, jalǵyz basty zeınetkerlerdi qoldaý maqsatynda «Jaqsy is jasa», «Qaıyrymdylyq aıy» syndy aksııalar dástúrli túrde uıymdastyrylyp keledi. Oblysta egde adamdarǵa 13 dárigerlik-áleýmettik mekeme qyzmet kórsetedi. Jalpy, oblysta bir ǵasyr jasaǵan 66 qarııa bar. «Qarty bardyń qazynasy bar» deıdi halqymyz. Búgingi qoǵamnyń basty qundylyǵy – qarttardyń el ıgiligi úshin jasaǵan qyzmeti, beıbit tirshiliktiń, ulttar dostyǵy men bereke-birliktiń berik negizin qalaýǵa tıgizgen septigi jas urpaq úshin úlgi bolmaq, - dedi ol sóz oraıynda.
Baqytbek Keneshuly.
Derekkóz: Altaynews.kz
Foto: Altaynews.kz