1 kezeńde vaksınasııaǵa jatatyn kontıngenttiń tizimderi daıyndaldy. Bul 6300 adam, olardyń arasynda ekpe salýǵa jatpaıtyn tulǵalar da adamdar bolýy múmkin. Bul týraly Nur-Sultan qalasy Qoǵamdyq densaýlyq saqtaý basqarmasynyń basshysy OKQ brıfınginde málimdedi, dep habarlaıdy Egemen.kz.
150 medısınalyq qyzmetkerdi COVID-19 qarsy vaksınasııaǵa daıyndyq jáne júrgizý jumystary boıynsha oqytyldy.
Ambýlatorııalyq-emhanalyq kómek kórsetetin uıymdardyń deńgeıinde KVI-ǵa qarsy vaksına alý úshin pasıenttiń baǵyt-baǵdary:
1. Emhananyń kireberisinde egý kabınetinde kórsetilgen baǵdarlar ornatylǵan.2. Tirkeý bólmesindegi tulǵanyń pasıentti vaksına alý úshin dárigerge jazýy, KVI-ǵa qarsy vaksınany alý úshin is-áreket algorıtmin túsindirý.3. Dárigerdiń qabyldaýy. Dáriger shaǵymdar men anamnez jınaýdy, tekserýdi (dene temperatýrasyn, satýrasııany, júrek soǵý jıiligin, qan qysymyn ólsheý, tynys alý jáne júrek-tamyr júıesin aýskýltasııalaý jáne jutqynshaqty tekserý arqyly) júrgizedi. Eger temperatýra 37°S-tan assa, vaksınasııa keıinge qaldyrylady), saýalnamany toltyrý, aqparattyq júıege derekterdi engizý jáne vaksınasııaǵa joldama berý, vaksınasııadan keıingi yqtımal asqynýlar týraly jadynama berý jáne áńgime júrgizý, erikti túrde kelisim alý. Vaksınasııaǵa qarsy kórsetilimder anyqtalǵan jaǵdaıda pasıentke salynýǵa bolmaıtyny resimdeledi;4. Orta medısınalyq qyzmetker pasıentti kezekpen emshara bólmesine shaqyrady;5. Aqparattyq júıe arqyly emshara bólmesiniń medbıkesi ekpe alýǵa joldama izdep, sodan keıin vaksınasııa jasaıdy (eger densaýlyq jaǵdaıy nasharlasa, shuǵyl medısınalyq kómek kórsetip, dárigerdi shaqyrady jáne qajet bolǵan jaǵdaıda jedel járdemdi shaqyrady);6. Vaksınasııadan keıin pasıentke «KVI-ǵe qarsy vaksınasııa jasaldy. Medısınalyq baqylaý ýaqyty 30 mınýt!» degen beıdj taratylatyny, medısınalyq qyzmetkerdiń baqylaýymen emhananyń kútý zalynda 30 mınýt mindetti túrde bolý týraly habarlanady;7. Naýqas kútý zalyna jiberiledi, 30 mınýt kútý zalynda kútedi;8. 30 mınýttan keıin medısınalyq maman pasıenttiń densaýlyq jaǵdaıyn baǵalaıdy, beıdjdi qaıta alyp, ony úıine jiberedi,9. Medısına qyzmetkeri emshara bólmesiniń meıirbıkesine pasıenttiń densaýlyq jaǵdaıyn aqparattyq júıege engizý úshin beıdjdi tapsyrady;10. Ýchaskelik dáriger 3 kún ishinde naýqasqa qashyqtyqtan baqylaý júrgizedi (telefon qońyraýlary, beıne qońyraýlar);11. Medbıke aldyn ala jazylýdy júzege asyrady jáne pasıentti vaksınanyń ekinshi dozasyn alý úshin 21-shi kúninde shaqyrady;12. 21 kúni pasıent vaksınanyń 2-shi dozasyn alýy qajet.