Arqadan arqyraı bastalǵan aq tútek boran burnaǵy kúnnen beri elimizdiń kóptegen óńirlerin óz qyspaǵyna alyp, qybyrlaǵan qımyldyń adymyna tusaý salyp tastady. Tótenshe jaǵdaılar mınıstrliginiń málimeti boıynsha, búginde alty aımaqta kúre joldar jabylǵan.
Arqadan arqyraı bastalǵan aq tútek boran burnaǵy kúnnen beri elimizdiń kóptegen óńirlerin óz qyspaǵyna alyp, qybyrlaǵan qımyldyń adymyna tusaý salyp tastady. Tótenshe jaǵdaılar mınıstrliginiń málimeti boıynsha, búginde alty aımaqta kúre joldar jabylǵan.
Eki kúnnen beri Astanadan shyǵatyn barlyq baǵytta kólik qatynasy toqtap tur. Mektepterde de sabaqtar toqtatylyp, oqýshylarmen qatar, kolledjdiń 1 jáne 2-kýrs stýdentteri de oqýdan bosatyldy. Túnde aýanyń temperatýrasy -20°S-ge deıin tómendep, uıtqyǵan jeldiń ekpini sekýndyna 25 metrge deıin jetken. Osy alapat aq boranda qurbandyqqa ushyrap jatqandar da bar. Qostanaı oblysynda qatty úsip qalǵan 53 jastaǵy er adam qaıtys boldy.
Elimizdiń ózge óńirlerinde mundaı jaǵdaılar oryn alǵan joq. Biraq borannyń qyspaǵynan bosatylyp jatqandar bar. Jaqynda sondaı oqıǵa Pavlodar oblysynda oryn alsa, keshe Qyzylorda oblysy ákimshilik polısııasynyń qyzmetkerleri jol boıynda turyp qalǵan avtobýstan 51 adamdy qutqaryp qaldy. Ázirge borannyń basylar túri kórinbeıdi.
Rýslan IGILIK.