Qytaı Qazaqstannyń makarony men maıyn satyp alýǵa ázir

Jýyrda ǵana «KAZNEX INVEST» eksport jáne ın­vestı­sııalar ulttyq agent­tigi irgemiz­de otyrǵan Qy­taı Halyq Res­pýb­lıka­sy­­nyń Shyńjań-Uıǵyr avtonomııalyq aýdany ım­port­taýǵa asa úlken múddeli­lik tanytyp otyrǵan taýar­lar tiziminde qazaqstandyq ónimderdiń buryn­ǵydaı kósh bastap turǵandyǵyn málimdedi.

Jýyrda ǵana «KAZNEX INVEST» eksport jáne ın­vestı­sııalar ulttyq agent­tigi irgemiz­de otyrǵan Qy­taı Halyq Res­pýb­lıka­sy­­nyń Shyńjań-Uıǵyr avtonomııalyq aýdany ım­port­taýǵa asa úlken múddeli­lik tanytyp otyrǵan taýar­lar tiziminde qazaqstandyq ónimderdiń buryn­ǵydaı kósh bastap turǵandyǵyn málimdedi.

Muny jergilikti kásip­oryn­darǵa seriktester izdes­tirý úshin «KAZ­NEX INVEST» agenttigi uıymdas­tyrǵan qytaılyq bıznes­menderdiń Almatyǵa jasaǵan sapary rastap berdi. ShUAA-dan kelgen kóterme-saýda kompanııa­lary men treıderleri Almatynyń azyq-túlik, metall ónimderin, janar-jaǵarmaı shyǵaratyn 11 kásipornyn aralap kórdi.

Kompanııalarmen kelis­sóz­derden keıin qytaı­lyq tarap satyp alatyn taýarlary týraly sheshimge kelgen. Bular – «Maslodel» shyǵarǵan ósimdik maıy, «Sun Bee» JShS óndirgen bal, «Korona Export» jáne «Sultan» kompanııalary shyǵarǵan makarondar, sondaı-aq, «Asem Ai» mıneraldy sýy. Satyp alýshylar ónimniń sapasyn da, qaptamasy men dızaınyn da joǵary baǵalady. Búgingi kúni óndirýshilerdiń árqaı­sy­symen, eń aldymen, taýarlardy QHR-ǵa kirgizý jáne resimdeýdi retteý rásimderi boıynsha egjeı-tegjeıli kelissózder júrgizilýde.

Atap ótetin jaǵdaı, Qy­taıda, ásirese, ósimdik maıyna degen suranys óte joǵary. Jyl saıyn osy ónimniń otandyq óndirýshileri «KAZNEX INVEST» agent­tiginiń QHR ShUAA jasaǵan saýda mıssııasyna qatysady jáne árbir rette bul ónim áleýetti qytaılyq sa­typ alýshylardyń úl­ken qyzyǵý­shylyǵyn týǵyzady. Osy aıda Úrim­jide ótken saýda mıssııasynda «Maslodel» jáne «Shymkentmaı» kom­panııa­lary ósimdik maıyn tanys­tyrdy. Eki óndirýshi de qazirgi kezde jetkizýler týraly kelissózderdi jalǵastyrýda.

Sonymen qatar, Qazaq­s­tan­da óndirilgen maıly daqyldar, makarondar, kondıterlik taǵamdar, jún jáne emdik shópter satyp alýshylardyń qyzyǵýshylyǵyn týdyrdy.

2009 jyldan bastap «KAZNEX INVEST» agenttigi Qytaıǵa jyl saıyn saýda mıssııalaryn ótkizýde. 2009 jyldan 2012 jylǵa deıingi kezeńde Beıjińde, Inınde jáne Úrimjide ótken saýda mıssııalarynda 60-tan astam qazaqstandyq óndirýshiler qatysqanyn aıta ketýge bolady. Saýda mıssııalary nátıjesinde jasalǵan Qazaqstanda óndirilgen ónimdi Qytaıǵa jetkizý boıynsha kelisimsharttardyń jalpy somasy 35 mıllıon AQSh dollarynan asty. Úrimjige jasalǵan saýda mıssııalary ShUAA Halyqara­lyq saýdaǵa yqpaldastyq boıynsha komıtetimen seriktestikte ótkiziledi.

Aınash ESALI,

«Egemen Qazaqstan».

ALMATY.