Astanadaǵy «Pekın Palas» qonaq úıinde «Otandyq BAQ jáne ınternet-resýrstardyń básekege qabilettiligin arttyrý» atty semınar-trenıng ótti. Oǵan otandyq BAQ ókilderi men Reseı, Armenııa, Ázerbaıjan syndy elderden kelgen sala mamandary qatysyp, óz pikirlerin ortaǵa saldy. Sharany Mádenıet jáne aqparat mınıstrligi Aqparat jáne muraǵat komıtetiniń tóraǵasy Bolat Qalııanbekov arnaıy quttyqtaý sózben ashty.
Astanadaǵy «Pekın Palas» qonaq úıinde «Otandyq BAQ jáne ınternet-resýrstardyń básekege qabilettiligin arttyrý» atty semınar-trenıng ótti. Oǵan otandyq BAQ ókilderi men Reseı, Armenııa, Ázerbaıjan syndy elderden kelgen sala mamandary qatysyp, óz pikirlerin ortaǵa saldy. Sharany Mádenıet jáne aqparat mınıstrligi Aqparat jáne muraǵat komıtetiniń tóraǵasy Bolat Qalııanbekov arnaıy quttyqtaý sózben ashty.
Komıtet basshysy óz sózinde basqosýǵa qatysyp otyrǵan barsha qonaqtarǵa rızashylyǵyn bildire kele, elimizde ınternetti paıdalanýshylar sanynyń on mıllıonnan asqanyn jetkizdi. Sondaı-aq, ol sońǵy on jylda álemde ınternetti paıdalanýshylardyń sany bes esege deıin kúrt óskenin jáne elimizde de qarqyndy damyp kele jatqanyn nazardan tys qaldyrmady.
Salaǵa baılanysty kóp pikiri ortaǵa salynǵan bul jıynda Armenııadan kelgen ókil Aram Safarıan aqparattyq saıty jaıynda keńinen áńgimelese, ázerbaıjandyq maman Gıýlnara Mamedzade tájirıbe almasýda osyndaı otyrystardyń mańyzdylyǵy erekshe ekenin aıta kele, aldaǵy ýaqytta osy syndy basqosýlar jıirek bolsa degen nıetin jetkizdi.
«Qazaq aqparat» UK» AQ basshysy Dáýren Dııarov tarıhy toqsan jyldan asatyn elimizdegi iri aqparat agenttigi jaıyna toqtaldy. «Búginde qazaq, aǵylshyn, orys tilderinde habar taratatyn agenttik, qazaq tilinde tóte jazý, latyn álipbıi men kırıllısa syndy úsh varıantta da oqyrmandardy qamtamasyz etip otyrmyz. Keler jyldan bastap qytaı tilinde, al 2015 jyldan arab, ıspan, tilderinde habar taratýdy josparlaýdamyz. Sóıtip, buıyrtsa, álemniń kóptegen oqyrmandary bizdiń saıtty oqıdy degen nıettemiz», dedi ol. Sonymen qatar, ol agenttik jýrnalısteriniń shetelderde tájirıbe almasýlaryn qolǵa alǵanyn aıta kele, keler jyly Koreıa men Ispanııada tilshiler qosynyn ashýdy kózdep otyrǵandaryn da tilge tıek etti.
Otyrystaǵy pikir almasýlarda qazirgi tańda sarapshylar máselesi de sóz bolmaı qalmady. Bul turǵyda sarapshy mamandar joqtyń qasy degen pikirlerge «Reıtıng.kz» zertteý agenttiginiń dırektory Dáýren Sákenuly óziniń kelispeıtindigin aıta kele, ol ekonomıka, jýrnalıstıka salasynda tanymal sarapshylar bar ekendigine senimdiligin jetkizdi. Sondaı-aq, «Qazkontent» AQ basqarma tóraǵasynyń orynbasary Nartaı Áshim, «Kazakstan today» JShS bas dırektory Tımýr Qubatov ta ózderiniń semınar taqyrybyna qatysty oılaryn bildirdi.
Ábdirahman QYDYRBEK,
«Egemen Qazaqstan».