Elimizdiń júregi Astana kún saıyn qulpyryp, ósip keledi. Búginde tórtkúl dúnıege máshhúr bolyp otyrǵan elordanyń órkendeýine osyndaǵy qalam ustaǵan qaýymnyń da qosqan úlesi zor. Osyǵan oraı bas qalamyzda qala ákimdiginiń qoldaýymen ómirden ozyp ketken daryndy qalamger-jýrnalısterdi eske alýǵa arnalǵan «Olardyń esimderi júregimizde» atty ádebı-sazdy kesh ótti.
Elimizdiń júregi Astana kún saıyn qulpyryp, ósip keledi. Búginde tórtkúl dúnıege máshhúr bolyp otyrǵan elordanyń órkendeýine osyndaǵy qalam ustaǵan qaýymnyń da qosqan úlesi zor. Osyǵan oraı bas qalamyzda qala ákimdiginiń qoldaýymen ómirden ozyp ketken daryndy qalamger-jýrnalısterdi eske alýǵa arnalǵan «Olardyń esimderi júregimizde» atty ádebı-sazdy kesh ótti.
Osymen ekinshi ret ótkizilip otyrǵan atalmysh sharada Erbol Shaımerdenov, Dúkenbaı Dosjan, Vladımır Gýndarev, Ásken Nábıev, Baqtybaı Shahanov, Andreı Trıshechkın, Sabyrjan Shúkirov, Marfýǵa Bektemirova, Natalıa Habarova, Ivan Balýchevskıı syndy ózge de azamattar eske alyndy. Sondaı-aq, keshte olar týraly beınematerıaldar kórsetilip, qalamger-jýrnalıster jaıynda kózkórgen jandar estelikter aıtty.
«Sharany uıymdastyrýdaǵy basty maqsatymyz birinshiden ómirden mezgilsiz ozyp ketken astanalyq qalamger jýrnalısterdi bir sát esimizge alyp, olardyń rýhyna taǵzym etý bolsa, ekinshiden keıingi býyn jastarǵa olardyń shahardyń ósip-órkendeýine qosqan qajyrly eńbekteri jaıynan syr shertý edi. Osyndaı ıgi maqsatpen ekinshi ret ótkizilip otyrǵan basqosý buıyrtsa aldaǵy ýaqytta da jalǵasyn tabady dep oılaımyn», – dedi sharanyń basy-qasynda júrgen «Túgel-Medıa» birlestiginiń basshysy Sádibek Túgel.
Ábdirahman QYDYRBEK,
«Egemen Qazaqstan».