Bul shańǵy sporty ortalyǵyn qostanaılyqtar kópten kútken edi. О́ńirde qys uzaq, jyl saıyn qar shańǵy syrǵanaıtyn qalyńdyqta jaýady. Qysqy sport túrlerine qyzyǵýshylar kóp te, al jasalǵan jaǵdaı kemshin bolatyn. Elbasy Nursultan Nazarbaev óziniń Qazaqstan halqyna Joldaýlarynda halyqtyń densaýlyǵyna, salamatty ómir saltyna asa mán berip keledi. Sońǵy jyldary Qostanaıda sport nysandary birinen keıin biri boı kóterdi.
Bul shańǵy sporty ortalyǵyn qostanaılyqtar kópten kútken edi. О́ńirde qys uzaq, jyl saıyn qar shańǵy syrǵanaıtyn qalyńdyqta jaýady. Qysqy sport túrlerine qyzyǵýshylar kóp te, al jasalǵan jaǵdaı kemshin bolatyn. Elbasy Nursultan Nazarbaev óziniń Qazaqstan halqyna Joldaýlarynda halyqtyń densaýlyǵyna, salamatty ómir saltyna asa mán berip keledi. Sońǵy jyldary Qostanaıda sport nysandary birinen keıin biri boı kóterdi.
Endi, mine, Tobyl ózeniniń jaǵasynan «Arlan-2050» shańǵy sporty ortalyǵy ashyldy. Oǵan qatysqan oblys ákimi Nuraly Sádýaqasov bul sport nysany salamatty ómir saltyn qalyptastyrýda jańa beles ekenin aıtty.
– Qazir tek Qostanaı qalasynyń ózinde ǵana 313 sport ǵımaraty bar, onyń qatary jyl saıyn tolyǵyp keledi. Oblys ortalyǵynda sportpen jáne deneshynyqtyrýmen aınalysatyndar sany 57 myńnan asyp túsedi, onyń ishinde sport seksııalaryna 22 myń jas barady. Sport – adamdar densaýlyǵynyń kepili. Elimiz sportshylarynyń qysqy Azııa oıyndaryndaǵy tabysynan keıin Sochıde ótetin XXII Qysqy olımpıadadan da úmitimiz mol. Bizdiń álemdik deńgeıdegi sportshy jerlesterimiz de el namysy úshin kúresetin bolady, – dedi Nuraly Mustafauly.
Jańadan ashylǵan ortalyqta sporttyń qysqy túrimen aınalysamyn degenge barlyq jaǵdaı bar. Shańǵy dańǵylynyń uzyndyǵy 130 metr, eni 36 metr. Munda kelýshiler bıiktetilgen taý shańǵysyn da tebe alady. Al eki qabattan turatyn shańǵy ortalyǵy ǵımaratynyń ishinde kelýshilerge kıim aýystyratyn oryndar, ystyq shaı ishetin dámhana, qonaqúı sekildi barlyq qolaılylyq qarastyrylǵan.
Shańǵy sportynan kezinde álemdi dúrildetken Ivan Garanın osynda turady. Ardager sportshy jańa shańǵy jolynan birinshi bolyp ótti.
– Men 1975 jyly shańǵymen 90 shaqyrymdy 4 saǵat 30 mınýt 34 sekýndta júgirip ótken edim. Bul rekordty álemde áli eshkim jańartqan joq. Bizdiń sportshylarǵa ósý kerek. Al mynandaı zamanaýı sport ortalyǵy barda jas shańǵyshylardyń tómen kórsetkish kórsetýge haqy joq, – dedi Ivan Garanın.
Aldaǵy ýaqytta jańadan ashylǵan shańǵy sporty ortalyǵyna jaqyn ornalasqan shańǵy bazasy da qaıta jóndeýden ótkiziletin bolady. Árıne, bul shańǵy sportynyń oblysta buqaralyq sıpat alýyna múmkindik týǵyzady. Shańǵy ortalyǵy ornalasqan Tobyldyń jaǵasyn jaz aılarynda da tıimdi paıdalaný úshin aldaǵy ýaqytta súıretpeli sý shańǵysy jolyn salý josparda bar.
Bul zamanaýı demalys keshenine kásipker Bolat Teńizbaev óz qarajatyn saldy. Kóptiń ıgiligine aınalar iske ol da uzaq ǵumyr tiledi.
Názıra JÁRIMBETOVA,
«Egemen Qazaqstan».
QOSTANAI.