2006 jylǵy 11 aqpanda Almaty qalasynda Altynbek Sársenbaıulynyń, Vasılıı Jýravlevtiń jáne Baýyrjan Baıbosynnyń urlanyp, óltirilýi oryn alǵan bolatyn.
Ishki ister organdary tarapynan tergeý barysynda osy qylmysqa qatysty adamdar anyqtaldy. Olar Rýstam Ibragımov jáne taǵy 9 adam.
2006 jylǵy 11 aqpanda Almaty qalasynda Altynbek Sársenbaıulynyń, Vasılıı Jýravlevtiń jáne Baýyrjan Baıbosynnyń urlanyp, óltirilýi oryn alǵan bolatyn.
Ishki ister organdary tarapynan tergeý barysynda osy qylmysqa qatysty adamdar anyqtaldy. Olar Rýstam Ibragımov jáne taǵy 9 adam.
О́z kezeginde Ibragımov Altynbek Sársenbaıulyn óltirýge tapsyrys berýshi retinde sol kezde Qazaqstan Respýblıkasy Parlamenti Senatynyń apparat jetekshisi qyzmetin atqarǵan Erjan О́tembaevtyń atyn aıtty.
Tergeý barysynda anyqtalǵan barlyq adamdar 2006 jylǵy 31 tamyzda Almaty oblystyq sotymen uzaq merzimge bas bostandyqtarynan aıyrýǵa, al Ibragımov tikeleı uıymdastyrýshy jáne oryndaýshy retinde ólim jazasyna kesilse, keıinnen jazasy ómir boıyna bas bostandyǵynan aıyrýǵa aýystyryldy.
Deı turǵanmen, 2012 jylǵy 16 sáýirde, túzeý mekemesinde jazasyn ótep jatqan Ibragımov Qazaqstan Respýblıkasynyń Joǵarǵy Sotyna jasalǵan qylmystyń budan buryn quqyq qorǵaý jáne sot organdaryna beımálim mán-jaılar habarlanǵan málimdememen júgindi.
Málimdemesinde ol adam óltirgenin alǵash ret moıyndady jáne mundaı qadamǵa barýynyń mán-jaıyn egjeı-tegjeıli aıtyp berdi, sondaı-aq, Altynbek Sársenbaıulyn óltirýge shyn tapsyrys berýshi Erjan О́tembaev emes, Rahat Álıev pen Álnur Musaev ekenin habarlady.
Qazaqstan Respýblıkasy Joǵarǵy Sotynyń tapsyrmasy boıynsha qosymsha alynǵan jaýaptardyń shynaıylyǵy Bas prokýratýra, Ulttyq qaýipsizdik komıteti jáne Ishki ister mınıstrligi qyzmetkerlerinen arnaıy qurylǵan jedel-tergeý tobymen tekserildi.
Bul rette, Qazaqstan Respýblıkasy Bas prokýratýrasynyń ótinishi boıynsha tergeýge Amerıka Qurama Shtattarynyń Federaldyq Tergeý bıýrosy tikeleı qatysty.
Tergeý nátıjelerimen jańadan ashylǵan mán-jaılar óz dálelin tapty.
Máselen, 2006 jyly Rýstam Ibragımov polıgrafologııalyq zertteý men AQSh-tyń Federaldyq Tergeý Bıýrosynyń agentterine bergen suhbatynan keıin olarǵa adam óltirýge shyn máninde tapsyrys bergen Rahat Álıev ekendigin aıtqany anyqtaldy.
Bul rette, Ibragımov Álıev pen Musaevtyń tarapynan óziniń otbasynyń qaýipsizdigine qater tóndirilýine baılanysty quqyq qorǵaý organdaryna resmı jaýap berýden bas tartqan jáne bul aqparatty jarııalamaýdy suraǵan.
Qazirgi ýaqytta Rýstam Ibragımovtiń málimdemesin tekserý aıasynda AQSh-tyń Federaldyq Tergeý bıýrosy bul aqparatty tıisti qujattardy usyna otyryp, rastady.
Jańa tergeý barysynda Ibragımov jeke bas arazdyǵy men jekkórýshiligine baılanysty Erjan О́tembaev shyn máninde odan Altynbek Sársenbaıulyn soqqyǵa jyǵýdy suraǵanyn kórsetti. Bul jóninde Rahat Álıevke málim bolǵan. Ol Álnur Musaevpen birge jaǵdaıdy paıdalanyp qalǵan durys dep sheshken jáne Erjan О́tembaevtyń tapsyrysyn jamylyp, Ibragımovke Altynbek Sársenbaıulyn óltirýdi mindettegen.
Ibragımovtiń ýájderi tergeý barysynda jınaqtalǵan obektıvti aıǵaqtarmen tolyqtaı rastaldy. Álıev pen Musaevtyń Altynbek Sársenbaıulyn jáne onyń eki serigin óltirýge tapsyrys berýge jáne uıymdastyrýǵa qatystylyǵy jónindegi nusqany rastaıtyn jańa zattaı aıǵaqtar men kýálerdiń jaýaptary alyndy.
2013 jylǵy tamyzda Rýstam Ibragımovtiń jáne birqatar naqty kýálerdiń tıisti jaýaptary AQSh-tyń Federaldyq Tergeý bıýrosynan shaqyrylǵan polıgrafolog-mamandar tarapynan senimdilik turǵysynan tekserilip, rastaldy.
Joǵaryda aıtylǵandarǵa baılanysty 2013 jylǵy 11 jeltoqsanda Bas prokýratýra tarapynan Qazaqstan Respýblıkasynyń Joǵarǵy Sotyna Altynbek Sársenbaıulyn, Vasılıı Jýravlevti jáne Baýyrjan Baıbosyndy óltirý jónindegi is boıynsha shyǵarylǵan úkimdi ishinara qaıta qaraý qajettigi týraly qorytyndy joldandy.
2013 jylǵy 19 jeltoqsanda Qazaqstan Respýblıkasynyń Joǵarǵy Soty Rýstam Ibragımovtiń aryzyn qaraý nátıjesinde jáne jınaqtalǵan jańa materıaldardy eskere otyryp, Erjan О́tembaevqa qatysty budan buryn qaýly etilgen úkimdi ishinara buzdy.
Qylmystyń ózge qatysýshylaryna qatysty úkimdi qaıta qaraý úshin negiz joq dep tabyldy, sebebi, qol jetkizilgen jańa aıǵaqtar olardyń áreketteriniń saralanýyna áser etpeıdi.
Dál osy kúni, 19 jeltoqsanda Joǵarǵy Sot qylmystyq isti Almaty oblysynyń qylmystyq ister jónindegi mamandandyrylǵan aýdanaralyq sotyna qaıta qaraýǵa jiberdi.
Tıisti sot sheshimi qabyldanǵan jaǵdaıda Rahat Álıevke jáne Álnur Musaevqa qatysty tikeleı qylmystyq is qozǵalyp, AQSh-tyń Federaldyq Tergeý bıýrosy qyzmetkerleriniń qatysýymen olardyń Altynbek Sársenbaıulynyń, Vasılıı Jýravlevtiń jáne Baýyrjan Baıbosynnyń óltirilýine qatystylyǵyna oraı aldyn ala tergeý júrgiziletin bolady.
Kórsetilgen quqyqtyq prosesterdiń nátıjeleri týraly qosymsha habarlanatyn bolady.