Almaty qalasynyń jergilikti áskerı basqarý organdary 2004 jyly týǵan er azamattar áskerge shaqyrylady. Bul týraly Almaty О́KQ onlaın brıfınginde Almaty qalasy qorǵanys isteri jónindegi Departamenti bastyǵynyń orynbasary Farhat Qurmanǵajınov málimdedi, dep habarlaıdy Egemen.kz.
Azamattardy shaqyrý ýchaskelerine tirkeý jas adamdardy áskerı esepke turǵyzý, olardyń sanyn, áskerı qyzmetke jaramdylyq dárejesin aıqyndaý, bilim deńgeıin, alǵan mamandyǵy men dene daıarlyǵyn anyqtaý maqsatynda qańtar aıynyń basynan bastap júrgizilýde. Is-shara jyl saıyn 5 qańtardan 31 naýryzǵa deıin ótedi.
Bıyl Almaty boıynsha 7 myńǵa jýyq jasóspirimdi áskerı esepke qoıý josparlanýda. Árbir adam turǵylyqty jeri boıynsha jergilikti áskerı basqarý organyna júginip, tolyq aqparat ala alady.
Kún saıyn qalanyń jergilikti áskerı basqarý organdaryna medısınalyq tekserýden ótý úshin mektep jáne arnaıy orta oqý oryndarynyń oqýshylary kelýde. Jasóspirimder áskerı qyzmetke jaramdylyǵyn dáleldeıtin medısınalyq tekserýden jáne qajetti qujattardy tekserýden ótedi. Eger tirkeý barysynda emdelýge nemese medısınalyq baqylaýǵa muqtaj áskerge shaqyrý jasyna deıingiler anyqtalsa, onda olar emdeý-profılaktıkalyq uıymdaryna tirkeledi.
Belgili bir jumys algorıtmi jasaldy. Atalǵan jumys barlyq sanıtarlyq talaptardy saqtaı otyryp uıymdastyryldy, sanıtarlyq-epıdemıologııalyq sharalar kúsheıtildi.
"Qala aýdandarynyń basqarmalarynda áskerge shaqyrý jasyna deıingiler men medısınalyq komıssııa músheleri medısınalyq betperdelermen jáne antıseptıktermen qamtamasyz etiledi. Medısınalyq tekserý keminde 2 metr qashyqtyqty saqtaý arqyly ótedi. Medısınalyq komıssııa ǵımaratynda kúnine keminde 2 ret barlyq qyzmettik jáne qosalqy bólmelerge dezınfeksııa júrgiziledi", - dep atap ótti Farhat Qurmanǵajınov.
Azamattardy shaqyrý ýchaskelerine esepke alý jumystary jergilikti atqarýshy organdary jergilikti áskerı basqarý organdarymen birlesip júrgizedi.
Qazaqstan Respýblıkasynyń "Áskerı qyzmet jáne áskerı qyzmetshilerdiń mártebesi týraly" Zańyna sáıkes esepke turǵan jyly jasy 17-ge tolǵan nemese sol jyly tolatyn Qazaqstan Respýblıkasynyń er azamattary jatady.
Barlyq is-sharalar aıaqtalǵannan keıin jastarǵa shaqyrý ýchaskesine tirkeý týraly kýálik beriledi. Bul kýálik áskerge shaqyrý kezinde shaqyrylýshynyń esepte turǵanyn rastaıtyn qujat bolyp tabylady.
Áskerı esepke alǵash turǵan azamattarmen qosymsha Qorǵanys mınıstrliginiń áskerı oqý oryndaryna túsý boıynsha aqparattyq jumys júrgiziledi jáne kelisimshart boıynsha áskerı qyzmettiń artyqshylyqtary túsindiriledi.
Medısınalyq (áskerı-dárigerlik) komıssııa áskerı esepten shyǵara otyryp, áskerı qyzmetke jaramsyz dep tanyǵan azamattar áskerı esepke qabyldanbaıdy. Azamattar jumys (oqý) ornyn, atqaratyn laýazymyn jáne ortasha jalaqysyn saqtaı otyryp, áskerge shaqyrylýǵa deıingilerdi áskerı esepke qoıýǵa baılanysty mindetterdi oryndaý úshin qajetti ýaqytqa jumystan (oqýdan) bosatylady.