Bıylǵy maýsym aıynda Aqmola oblysy Eńbekshilder aýdandyq sotynyń burynǵy tóraǵasy Qaırat Toqsanbaev qyz balany kóligimen qaǵyp ketip, artynan ol aýrýhanada kóz jumǵan bolatyn. Bul týraly Nur. kz habarlady.
Tergeý barysynda 2013 jyldyń 5 maýsymynda Stepnıak qalasynda Q.Toqsanbaevtyń mas kúıinde, qujatsyz kólik júrgizgendigi anyqtaldy. Ol kóligine ıe bola almaı, joldan shyǵyp ketip, jol jıeginde turǵan kámelet jasyna tolmaǵan qyzǵa soǵyp ketedi. Aýyr dene jaraqattaryn alǵan jasóspirim aýyr halde Eńbekshilder aýdandyq aýrýhanasyna jetkizilgen. Alaıda,bir kún ótkende ol aýrýhanada kóz jumdy. Sot isti qaraý kezinde Toqsanbaevqa qatysty qylmystyq isti toqtatý týraly ótinish kelip tústi. Ol boıynsha aıyptalýshy óz kinásin moıyndaǵan jáne jábirlenýshi tarapqa keltirgen materıaldyq, moraldyq shyǵyndardy tólegen. Ári óz aralarynda bul máseleni birjaqty sheshkeni belgili boldy. Osyǵan oraı, sot sheshim qabyldady.
«Qaırat Toqsanbaevty qylmys jasaǵany úshin aıyptaý jónindegi QR QK 296-babynyń 2-bóliminde eskerilgen qylmystyq isti taraptar óz aralarynda ymyraǵa kelgendikten jáne keltirilgen shyǵyndardyń orny toltyrylǵandyqtan, QR QK 67-baby 2-bólimi negizinde toqtatylsyn. Toqsanbaevqa qatysty «elden ketpeý týraly qolhat» jazasy joıylsyn», - dep jazylǵan Bulandy aýdandyq sotynyń qaýlysynda.
Baqytbek Keneshuly.
Derekkóz: Nur. kz
Foto: respublika.kz