Atyraý qalasynyń irgesinde birneshe eldi meken bar. Sonyń biri – Tomarly. Jaqynda osy aýylda tiginshilikke oqytatyn ortalyq ashyldy. Oǵan qajetti oryndy Atyraý qalasynyń ákimdigi usyndy. Al tigin mashınalaryn oblystyq máslıhattyń depýtaty, «Azamattyq Alıans» qoǵamdyq birlestiginiń jetekshisi Álibek Semǵalıev satyp alyp berdi.
Mundaı ortalyq kishkentaı balalaryn tárbıelep otyrǵan, múmkindigi shekteýli áıelderdi jumyspen qamtýǵa jol ashady. Keıin olar óz kásibin ashyp, otbasylyq bıýdjetine tabys túsiretin qadam jasaıdy, deıdi Álibek Semǵalıev.
Atalǵan ortalyq jetekshisi Gúlsim Bıtashevanyń aıtýynsha, tiginshilik kýrsyna 15 áıel jazylypty. Onyń ishinde úsh áıel – II toptyń, bir áıel – III toptyń múgedegi. Úsheýi – kóp balaly ana. Olar tegin dáris alady.
– Qazir kıim tigý de bıznestiń bir túrine jatady. О́ıtkeni bul – shyǵarmashylyq, dızaınerlik ıdeıany júzege asyrýǵa múmkindik beredi. Bul qyzmet túri tabys tabýdyń kózi bola alady. Munda áıelder otbasy músheleri úshin qajettiń bárin tigýdi úırenedi. Kıimniń túrlerin pishý de, tigý de – yntaly jannyń qolynan keletin is. Qazaqtyń ulttyq kıimderin zaman talabyna saı jańartyp tigý tásilin meńgeredi, – deıdi G.Bıtasheva.
Atyraý oblysy