Fransııa hırýrgtary álemge buryn-sońdy bolmaǵan jańalyq ashyp, tolyqqandy jumys istep turǵan jasandy júrekti naýqasqa qoıyp berdi. Bul týraly Utro.ru habarlady.
Operasııa Parıj qalasynda ornalasqan Jorj Pompıdý atyndaǵy aýrýhanada jasaldy. Dárigerler qazirgi ýaqytta naýqastyń jaǵdaıy jaqsy ári birqalypty ekenin málimdedi. Teńdesi joq operasııa 75 jastaǵy qarııaǵa jasaldy.
«Yoki» gazetiniń aqpary boıynsha, EADS áýe-ǵarysh konserni mamandarynyń kómegimen jasap shyǵarylǵan jańa qurylǵy bıologııalyq júrek sııaqty jumys isteıdi. Jańa qurylǵynyń ózge jasandy júrekterden ereksheligi, ol naýqasqa fızıkalyq aýyrtpalyq túsken jaıǵdaıda júrek qaǵysyn syrttan retteýdi qajet etpeıdi. Oǵan qysym men bıiktik datchıkteri ornatylǵan. Olar aýyrtpalyqtyń ózgerýine baılanysty júrektegi qan aınalymyn kóbeıtip ne azaıtyp otyrady.
Salmaǵy shamamen 900 gram tartatyn jasandy júrektiń baǵasy 250 myń AQSh dollaryn quraıdy eken.
Aıdar О́risbaev.
Derekkóz: Utro.ru
Foto: Ilive.co.ua