2021 jylǵy 10 aqpanda Nur-Sultan qalasy Ulttyq akademııalyq kitaphanasynda QR Aqparat jáne qoǵamdyq damý vıse-mınıstri Marat Ázilhanovtyń Qazaqstan halqy Assambleıasynan QR Parlamenti Májilisiniń depýtattarymen kezdesýi ótti. Kezdesý jumysyna QR Parlamenti Májilisiniń depýtattary, QR PÁ QHA Hatshylyǵy meńgerýshisiniń orynbasary L.A.Prokopenko, Etnosaralyq qatynastardy damytý komıtetiniń, «Qoǵamdyq kelisim» RMM, «Qoldanbaly etnosaıası zertteýler ınstıtýty» JShS, «Otandastar qory» UAQ basshylary qatysty.
Kezdesýde Mınıstrliktiń Etnosaralyq qatynastardy damytý komıteti men vedomstvolyq baǵynysty uıymdarynyń basshylyǵy depýtattardy 2020 jyly júrgizilgen jumystarmen tanystyryp, 2021 jylǵa arnalǵan josparlaryn kórsetti. Kezdesý barysynda vıse-mınıstr M.Ázilhanov depýtattarǵa etnosaralyq saladaǵy jumys barysyn túsindirdi, etnosaralyq qatynastardy qozǵaıtyn depýtattyq saýaldardy qalyptastyrý kezinde birlesken tetikterdi ázirleý boıynsha birqatar usynystar jasady, Qazaqstannyń barlyq etnostarynyń múddelerin eskere otyryp, zań jobalaryn qaraý boıynsha usynys jasady. Sonymen qatar, depýtattarǵa taldaý jáne áleýmettik jumys nátıjelerin turaqty negizde usyný, QHA is-sharalaryna, onyń ishinde aqparattyq-túsindirý jumystaryna qatysý, sondaı-aq el óńirlerine birlesken saparlar múmkindigin qarastyrý týraly usynystar berdi.
QR Parlamenti Májilisiniń depýtattary eldegi etnosaralyq qatynastardy odan ári damytý jáne saqtaý maqsatynda Mınıstrlikpen birlesip jumys isteýge daıyn ekendikterin bildirdi.
Kezdesýdiń barlyq qatysýshylary toqsan saıynǵy negizde birlesken jumys kezdesýlerin ótkizýge daıyn ekendikterin bildirdi.