Qazaqstandyq sportshy Janbota Aldabergenova AQSh-tyń Iýta park aımaǵynda ótken frıstaıl-akrobatıkadan North American Cup jarysynda top jardy.
Halyqaralyq jarystyń fınalynda óner kórsetken otandasymyz 85.68 upaı jınap, North American Cup týrnıriniń jeńimpazy atandy. Ekinshi oryndy 76.56 kórsetkishimen AQSh ókili Tasıa Tanner ıelense, qola júlde kanadalyq Iýstın Ellıge buıyrdy. Sondaı-aq Qazaqstan quramasynan synǵa túsken sportshylarymyz Aqmaral Qalmurzaeva halyqaralyq týrnırdi 6-orynmen, Aıana Joldas 7-orynmen túıindedi.
Aıta keteıik, osydan birneshe kún buryn AQSh-tyń Dır-Vellıde qalasynda ótken frıstaıl-mogýldan FIS Open jarysynda 2018 jylǵy Qysqy Olımpııa oıyndarynyń júldegeri Iýlııa Galysheva da altyn júlde enshilegen bolatyn.