Qala ákimi M.Áıtenov Shymkent-Tashkent tas jolynyń boıyndaǵy «Birlik JShS» saýda-logıstıka ortalyǵynda boldy. Qazirgi tańda JShS-i tarapynan ınvestısııa tartylyp, saýda-logıstıkalyq ortalyǵynyń qurylysy júrgizilýde, dep habarlaıdy Egemen.kz.
Qurylystyń jalpy aýdany – 15 ga. Jalpy ınvestısııa kólemi – 5 mlrd teńge. Qurylys jumystary 3 kezeńge bólingen. 1-i kezeń 2020 jyldyń tamyz aıynnan bastalǵan. Búgingi tańda 800 mln teńge qarjy jumsalyp, qurylys nysanynyń 80 % jumystary aıaqtaldy.
Qurylysqa 140 adam tartylǵan. Birinshi kezeńniń qurylys jumystaryn tolyǵymen 2021 jyly sáýir aıynda aıaqtaý kózdelýde.