«Talıban» qozǵalysynyń sodyrlary keshe AQSh-tyń Kabýldaǵy elshiligin atqylaǵan. Shamamen jergilikti ýaqyt boıynsha tańerteńgi saǵat 6.40-ta elshilik kesheniniń aýmaǵyna eki zymyran kelip jarylǵan.
Aldyn ala aqparat boıynsha, zardap shekkender joq sekildi.
Osy ýaqytta talıbter «Frans Press» agenttigine jarylystar elshilikke aýyr zardaptar ákelgenin málimdegen. Olardyń sózderine qaraǵanda, elshilikke tórt zymyran jiberilipti. Sóz retinde AQSh elshiliginiń katolıktik Rojdestvo meıramy atalyp ótetin kúni atqylanǵanyn aıta keteıik. Sońǵy ret talıbter AQSh dıplomattaryna ústimizdegi jyldyń 4 qyrkúıeginde shabýyl jasaǵan eken. Sol joly elshiliktiń eki jergilikti kúzetshisi qaza tapqan bolatyn.
AQSh-tyń elshiligin atqylady
«Talıban» qozǵalysynyń sodyrlary keshe AQSh-tyń Kabýldaǵy elshiligin atqylaǵan. Shamamen jergilikti ýaqyt boıynsha tańerteńgi saǵat 6.40-ta elshilik kesheniniń aýmaǵyna eki zymyran kelip jarylǵan.
Aldyn ala aqparat boıynsha, zardap shekkender joq sekildi.
Osy ýaqytta talıbter «Frans Press» agenttigine jarylystar elshilikke aýyr zardaptar ákelgenin málimdegen. Olardyń sózderine qaraǵanda, elshilikke tórt zymyran jiberilipti. Sóz retinde AQSh elshiliginiń katolıktik Rojdestvo meıramy atalyp ótetin kúni atqylanǵanyn aıta keteıik. Sońǵy ret talıbter AQSh dıplomattaryna ústimizdegi jyldyń 4 qyrkúıeginde shabýyl jasaǵan eken. Sol joly elshiliktiń eki jergilikti kúzetshisi qaza tapqan bolatyn.
Túrik mınıstrleri otstavkaǵa ketti
Birneshe túrkııalyq mınıstr balalary korrýpsııa isi boıynsha tutqynǵa alynǵannan keıin otstavkaǵa ketti. Áýeli ekonomıka mınıstri Zafer Chaglaıan, odan birneshe mınýt ótkennen keıin ishki ister mınıstri Mýammer Gıýler qyzmetterinen bosaıtyndyqtaryn habarlaǵan.
Otstavkaǵa keteriniń aldynda Z.Chaglaıan bylaı dep málimdepti: «Men ózimniń laýazymymnan bizdiń úkimetke qarsy júrgizilip jatqan zymııan operasııalardyń aq-qarasyn anyqtaýǵa múmkindik berý úshin bas tartyp otyrmyn». Bul málimdeme Túrkııa premer-mınıstri Redjep Taıyp Erdoǵannyń sheteldik sapardan kelýine birneshe saǵat qalǵan kezde jasalǵan. Premer-mınıstr kele salysymen, úkimette kadrlyq ózgerister jasaıdy dep kútilgen bolatyn. Al Chaglaıan men Gıýlerdiń uldary eldegi asa joǵary deńgeıdegi 24 jemqordyń tizimine engizilgen eken.
Qysqa qaıyryp aıtqanda:
* Batys Eýropanyń soltústigindegi birqatar elderge jaýǵan nóser jańbyr men qatty daýyldan katolıktik Rojdestvony atap ótýge daıyndalǵandar der kezinde merekelik dastarqanǵa úlgere almady. Olar Rojdestvony áýejaılarda qarsy alýǵa májbúr boldy.
* Ýkraınanyń burynǵy premer-mınıstri Iýlııa Tımoshenko jaqynda Reseı prezıdenti Vladımır Pýtınniń raqymshylyǵyn alǵan Mıhaıl Hodorkovskııge ashyq hat jazdy. Onda ol «IýKOS-tiń» burynǵy basshysyn bostandyqqa shyǵýymen quttyqtapty. Tımoshenkonyń da azattyqty ańsaıtyny kúmán týǵyzbasa kerek.
* Reseıdiń «Akademık Shokalskıı» kemesi Avstralııanyń ońtústiginen 3 myń shaqyrymǵa jýyq jerdegi muzǵa keptelip qaldy. Onyń bortynda shamamen 50 jolaýshy jáne 20 ekıpaj múshesi bar kórinedi. Kemeni qutqarýǵa úsh muzjarǵysh jiberilse, olardyń alǵashqysynyń ózi dittegen jerine tek eki kúnnen keıin ǵana jetedi eken.
*. Reseıdiń Hanty-Mansı avtonomııaly okrýginde polısııa qyzmetkerine adam óltirdi degen aıyp taǵyldy. Tártip saqshysy VAZ kóligin májbúrlep toqtatý úshin onyń jolyna tosqaýyl retinde júk kóligin kese-kóldeneń qoıǵyzǵan. Júrgizýshi sol qalqanǵa soǵylyp qaza tapqan.
Áskerin daıyndyqqa shaqyrdy
Soltústik Koreıanyń kósemi Kım Chen Yn el armııasyn jedel áskerı daıyndyq jasaýǵa shaqyrdy. Mundaı úndeý sózdi ol keshe Nampho qalasyndaǵy Koreıa halyq armııasynyń 526-bóliminde bolǵan kezinde aıtty.
Kım Chen Ynnyń sózine qaraǵanda, soǵys eshqandaı eskertýsiz bastalýy múmkin, sondyqtan ásker qashanda tolyqtaı daıyndyq sapynda turýy tıis. Al Soltústik Koreıa basshysynyń áskerı bólimge sapary onyń ákesi Kım Chen Irdiń 1991 jyly Koreıa halyq armııasynyń joǵarǵy bas qolbasshylyǵyna taǵaıyndalýynyń 22 jyldyǵyna arnalǵan edi. Sapar kezinde Kım Chen Ynnyń janynda KHDR armııasy saıası bıýrosynyń basshysy, Soltústik Koreıa kóseminiń jezdesi Chan Son Thek atyp óltirilgennen keıin eldegi ekinshi adam sanalatyn Chhve Ren He erip júrgen.
Narazylyǵyn nota joldap bildirdi
Grýzııanyń Ýkraınadaǵy elshiligi syrtqy ister mınıstrligine birqatar Grýzııa azamattarynyń Ýkraınaǵa kirýine tyıym salynýyna baılanysty nota joldady. Muny Grýzııa elshisi Mıhaıl Ýklebýǵa silteme jasaı otyryp, ITAR-TASS habarlady. Dıplomat atap ótkendeı, endi resmı jaýap kútilýde eken.
Buǵan deıin bıleýshi О́ńirler partııasynan Joǵarǵy Radaǵa depýtat Oleg Sarev Ýkraına aýmaǵyna kirýge tyıym salýǵa jatatyn birqatar grýzııalyqtardyń tizimin túzgen bolatyn. Tizimdegi 36 adamnyń ishinde eldiń burynǵy prezıdenti Mıhaıl Saakashvılı de bar. «Saakashvılıge munda dáneńe joq», dep málimdepti O.Sarev. Al depýtattyń sózi ázirshe resmı túrde qýattalǵan joq. О́ıtkeni, SIM-degilerdiń málimdeýinshe, «qara tizimdegiler» tekserýdi talap etedi. Árıne, olardyń arasynda Ýkraına qajetsinbeıtin adamdar da joq emes, deıdi SIM-degiler.
Ýrýgvaıda marıhýana zańdastyryldy
Ýrýgvaı prezıdenti Hose Mýhıka marıhýanany satýdy, ósirýdi jáne tutynýdy tolyq zańdastyratyn zańǵa qol qoıdy. Buǵan deıin zań jobasyn ýrýgvaılyq senatorlar maquldaǵan edi. Al qabyldanǵan zań jobasyna bastamashylyq tanytýshylardyń biri de prezıdent Mýhıka bolyp tabylady.
Zań óziniń kúshine qol qoıylǵan kezden bastap engizilýi tıis. Biraq úkimet normatıvtik aktilerdiń zańdylyǵyn qamtamasyz etetin qujat daıyndaý úshin 4 aı jumsaıtyn kórinedi. Atap aıtqanda, bıliktegiler marıhýananyń dál qandaı sortyna ósirý úshin jáne qandaı sortyna ósirýge ruqsat etý úshin lısenzııa berýdi naqtylaýy tıis eken. Al qabyldanǵan zańǵa sáıkes 18 jastan asqan Ýrýgvaı azamattary dárihanalardan 40 gramǵa deıin marıhýana satyp alýǵa jáne óziniń tutynýy úshin jylyna 6 túpten aspaıtyn marıhýana ósirýge quqyqty bolady.
Úlken kontrabandanyń joly kesildi
Tájikstannyń astanasy – Dýshanbe qalasyndaǵy áýejaıda 26,4 mıllıon rýbldi alyp ótýge qatysy bar degen 3 adam ustaldy. Olardyń biri 1977 jyly týǵan Rýdakı aýdanynyń turǵyny Komıldjon Alıev Sankt-Peterbýrgke ushyp shyqpaqshy bolǵan eken.
Kedenshilerdiń aqparatyna qaraǵanda, aqsha Faızalı Mırzoev degen bireýge tıesili kórinedi. Ol reseılik bir áýe kompanııasynyń ókili Erkındjon Hakımovpen kelisip, aqshany joǵaryda atalǵan Alıev arqyly Reseı asyrmaq bolypty. Endi «Kontrabanda» baby boıynsha qylmystyq is qozǵalǵan. О́tken jyldyń maýsym aıynda da tájikstandyq kedenshiler jalpy somasy 100 myń dollar turatyn altyn buıymdary kontrabandasynyń jolyn kesken bolatyn. Sol joly 3,5 kılogramm tartatyn altyn Túrkııanyń Ystambul qalasyna zańsyz jetkizilmek bolǵan edi.
Internet materıaldary negizinde ázirlendi.