Qala ákimi Baqytjan Saǵyntaevtyń eseptik kezdesýinde megapolıstiń ekologııalyq jaǵdaıyn jaqsartý jónindegi uzaq merzimdi mindetter men josparlardyń aldyn ala nátıjeleri aıtyldy, dep habarlaıdy Egemen.kz.
О́tken jyly JEO-2-ni jańǵyrtyp, ony tabıǵı gazǵa aýystyrýǵa baılanysty kópjyldyq másele sheshimin tapty. Jekemenshik sektordy tolyq gazdandyrý jumysy aıaqtalýda. Jasyl qordy ulǵaıtý boıynsha aýqymdy jumystar júrgizilýde. Mıllıon aǵash egý boıynsha úsh jyldyq «Jasyl Almaty» baǵdarlamasy qabyldandy. 2020 jyly 282 myńnan astam jasyl jelek otyrǵyzyldy.
Qoǵamdyq kólik gazben elektr energııasyna aýysady. Dızel tehnıkasyn satyp alýǵa tyıym salyndy. «Almatyelektrotrans» kommýnaldyq avtoparki 150 avtobýs jetkizýge kelisimshart jasady. Alǵashqy 41 avtobýs baǵyty jolǵa shyqty. Qalǵan 109-y jaqyn arada keledi. Sonymen qatar, jeke tasymaldaýshylar 83 avtobýs, sonyń ishinde 38 elektrobýs satyp alýdy josparlap otyr. Osylaısha bıyl jolaýshylar tasymaly parkin ekologııalyq taza 233 birlikke jańartamyz.
Qala ekologııasyn jaqsartý aıasynda bıyl 350 myńnan astam jasyl jelek otyrǵyzý, sondaı-aq shetkeri jerlerde bes jańa saıabaq salý, qalaǵa kire beriste 19 ekopost ornatý josparlanǵan.О́tken jyly qala boıynsha halyqty keńinen qulaqtandyrý maqsatynda aýa quramyna monıtorıng júrgizetin 10 datchık ornatyldy. Bıyl taǵy 10 datchık qoıylady. Derekter LED-ekranda kórsetilip, onlaın-kartada kórinetindeı ekologııalyq derekterdiń biryńǵaı bazasyna túsedi. Stansalar atmosferadaǵy lastaýshy zattardyń kólemin, ylǵaldylyq parametrlerin, temperatýrany, qysymdy, jeldiń baǵyty men jyldamdyǵyn ólsheıdi. Buǵan qosa kezeń ishindegi jáne táýliktik ortasha shekti ruqsat etilgen konsentrasııa kólemi kórsetiledi. Qala ákimi B.Saǵyntaevtyń tapsyrmasymen júzege asqan bul jobanyń maqsaty – qatardaǵy qala turǵyndaryna, sarapshylar men mamandarǵa derekterdi onlaın formatta usyný bolyp tabylady.
Qoǵamdyq jáne kommýnaldyq avtoparkterdi ekologııalyq taza otynǵa aýystyrý sharalarymen qatar tranzıttik júk kólikteriniń qozǵalysyn shekteý múmkindigi zerttelýde. Júrgizilgen monıtorıng táýlik saıyn qalaǵa qorshaǵan ortaǵa tehnogendik aýyrtpalyq túsiretin 17 myńnan astam júk kóligi kiretinin kórsetti.