Qala ákimi Baqytjan Saǵyntaev tikeleı efırde ótip jatqan turǵyndarmen eseptik kezdesýinde vaksınasııanyń birinshi kezeńi jaıly baıandady, dep habarlaıdy Egemen.kz.
Turǵyndardyń suraǵyna jaýap bere kele, qala ákimi vaksınasııanyń qalaı ótip jatqanyna toqtaldy.
«Bizdiń Kazkovıd boıynsha eki myńdaı erikti azamat ekpeden ótti. Eki ýkolyn da aldy. Eshqandaı qıyn jaǵdaılar bolǵan joq. Azdap janama áserler bolǵanymen, basqasynyń bári durys», - dedi Baqytjan Saǵyntaev. Ol kvota boıynsha birinshi jartyjyldyqta Almatyda júz elý myń dozanyń qabyldatynyn aıtty.
Qazir vaksınalardy ınfeksııalyq stasıonarlardyń, jedel járdemniń dárigerleri, emhanalardyń fıltrli jáne qyzyl aımaqtarda jumys isteıtin dárigerleri men medbıkeleri, sondaı-aq sanıtarlyq-epıdemıologııalyq qyzmettiń qyzmetkerleri alady.
2 naýryzdan bastap polısııa qyzmetkerleri, áskerı qyzmetkerler, orta mektepterdiń, joǵary oqý oryndarynyń muǵalimderi, medısına qyzmetkerleri vaksınalaýdan ótedi. Sáýir aıynan bastap mektep-ınternattardyń, mektepke deıingi mekemelerdiń muǵalimderi, oqýshylar jáne sozylmaly aýrýlary bar adamdar egiledi.
Ári qaraı tilek bildirgen azamattar vaksına ala alady. Vaksına tegin jáne ázirshe vaksınalaýǵa aqsha qarastyrylmaǵan.
Eske salsaq, búgin Almaty qalasynyń ákimi Baqytjan Saǵyntaevtyń ekinshi esep berý kezdesýi pandemııaǵa baılanysty onlaı formatta ótýde. Suraqtar qoıýǵa nıet bildirgenderdiń barlyǵyna 1308 biryńǵaı jeli telefony jumys isteıdi. Sondaı-aq, suraqtardy Whatsapp 8 777 046 33 33 nómirine jiberýge nemese áleýmettik jelilerdegi esep berý kezdesýiniń translıasııasy boıynsha túsiniktemelerde qaldyrýǵa bolady. Turǵyndar óz suraqtaryn efır kezinde qoljetimdi bolatyn ZOOM kómegimen de qoıa alady. Sonymen qatar, segiz aýdanda turǵyndar barlyq sanıtarlyq normalardy saqtaı otyryp, óz suraqtaryn qoıa alatyndaı arnaıy oryndar qarastyryldy. Onlaın kórsetilim Facebook jáne qalalyq ákimdiktiń, «Almaty» arnasynyń, OpenAlmaty jáne StopCOV saıtynda kórsetiledi.