2013 jylǵy 5 jeltoqsan, Astana, Úkimet Úıi
Metropolıtenniń qaýiptiligi joǵary aımaǵynda bolý jáne onda jumys júrgizý qaǵıdalaryn bekitý týraly
«Qazaqstan Respýblıkasyndaǵy kólik týraly» 1994 jylǵy 21 qyrkúıektegi Qazaqstan Respýblıkasy Zańynyń 23-babyna sáıkes Qazaqstan Respýblıkasynyń Úkimeti qaýly etedi:1. Qosa berilip otyrǵan Metropolıtenniń qaýiptiligi joǵary aımaǵynda bolý jáne onda jumys júrgizý qaǵıdalary bekitilsin.2. Osy qaýly alǵashqy resmı jarııalanǵan kúninen bastap kúntizbelik on kún ótken soń qoldanysqa engiziledi. Qazaqstan Respýblıkasynyń Premer-Mınıstri S.AHMETOV.
Qazaqstan Respýblıkasy Úkimetiniń 2013jylǵy 5 jeltoqsandaǵy №1319 qaýlysymen bekitilgen
Metropolıtenniń qaýiptiligi joǵary aımaǵynda bolý jáne onda jumys júrgizý qaǵıdalary
1. Jalpy erejeler1. Osy Metropolıtenniń qaýiptiligi joǵary aımaǵynda bolý jáne onda jumys júrgizý qaǵıdalary (budan ári – Qaǵıdalar) metropolıtenniń qaýiptiligi joǵary aımaǵynda bolý jáne onda jumys júrgizý tártibin aıqyndaıdy.2. Osy Qaǵıdalarda mynadaı negizgi uǵymdar qoldanylady:1) jolaýshy – metropolıtende jol júrý úshin jol júrý qujaty (bıleti) bar jeke tulǵa;2) metropolıtenniń ákimshiligi – jedel basqarýdy júzege asyrýǵa ýákiletti, Qazaqstan Respýblıkasynyń zańnamasyna sáıkes áreket etetin metropolıtenniń kásiporyn basshylyǵy;3) metropolıtenniń jolaýshylarǵa qyzmet kórsetý boıynsha kezekshisi –jolaýshylardyń qaýipsiz otyrýyn, túsýin, olardyń stansııa platformasynda birkelki taraýyn, jolaýshylardyń, sonyń ishinde múmkindigi shekteýli jolaýshylardyń metropolıtenniń jyljymaly quramyna otyrǵyzý aldynda (tehnıkalyq quraldardy paıdalana otyryp) stansııa boıynsha qozǵalysyn qamtamasyz etetin qyzmetker;4) metropolıtenniń qyzmetkeri – metropolıten ákimshiligimen eńbek qatynastarynda turǵan jáne laýazymdyq nusqaýlyqtar men jeke eńbek shartyna sáıkes jolaýshylardyń júrýi men metropolıtenniń jyljymaly quramyna otyrýynyń qaýipsizdigin qamtamasyz etýge, jolaýshylardyń ómirine jáne metropolıtenniń jyljymaly quramynyń qozǵalysy qaýipsizdigine qaýip tóndiretin barlyq jaǵdaıda sheshim jáne metropolıtenniń jyljymaly quramdaryn toqtatýǵa sharalar qabyldaýǵa baılanysty jumysty tikeleı oryndaıtyn jeke tulǵa;5) metropolıtenniń qaýiptiligi joǵary aımaǵy – metropolıtende jolaýshylardy tasymaldaýǵa baılanysty eskalatorlar, stansııa platformasy, metropolıtenniń jyljymaly quramy, metropolıtenniń relstik joldary, metropolıtenniń ózge de obektileri;6) metropolıtenniń jyljymaly quramy – bir nemese birneshe motorvagondyq seksııalardan turatyn jáne jolaýshylardy tasymaldaýǵa arnalǵan jyljymaly quram;7) metropolıten – kóliktiń ózge túrleriniń jelilerinen jáne júrginshilerdiń olarǵa ótý jolynan oqshaýlanǵań/(bólingen, bir dengeıdegi qıylystary joq) joldar boıynsha jolaýshylar men bagajdy áleýmettik mańyzy bar turaqty tasymaldaýdy júzege asyratyn qalalyq relstik kólik túri;8) metropolıten stansııasy – poıyzdardy qabyldaý, jóneltý jáne jolaýshylarǵa qyzmet kórsetý boıynsha qurylystar men qurylǵylar kesheni;9) stansııa platformasy – metropolıtenniń jyljymaly quramyna jolaýshylardy otyrǵyzý jáne túsirý úshin jabdyqtalǵan metropolıten stansııasynyń bóligi;10) eskalator – adamdardyń bir deńgeıden ekinshi deńgeıge aýysýy úshin qozǵalatyn satylary bar baspaldaq túrindegi kóterý-kólik qurylǵysy.
2. Metropolıtenniń qaýiptiligi joǵary aımaǵynda bolý tártibi3. Jolaýshylar metropolıtenniń eskalatoryn paıdalanǵan kezde:1) jolaýshylardyń júrý kezegin saqtaıdy;2) eskalatordyń qozǵalys baǵyty boıynsha on jaqta turady;3) satylardaǵy shekteý syzyǵyn jáne eskalatordyń qozǵalmaıtyn bólikterin baspaı, tutqadan ustap turady;4) jas balalardy qoldarynan ustap júredi;5) eskalatordan túsý kezinde kidirmeıdi;6) eskalator boıynsha sol jaǵymen júredi.Jolaýshylar aǵyny ulǵaıǵan jaǵdaıda, jolaýshylar eskalator tóseminiń sol jáne oń jaqtaryn toltyrady jáne qozǵalady.4. Jolaýshylarǵa eskalatorda otyrýǵa, eskalatordyń qozǵalysyna qarsy júrýge, metropolıten qyzmetkerleriniń ruqsatynsyz eskalatordyń bir jelisinen ekinshisine jáne jumys istemeıtin eskalator boıynsha oryn aýystyrýǵa tyıym salynady.5. Metropolıtenniń jyljymaly quramynyń kelýin kútý metropolıten stansııalarynyń platformalarynda shekteý syzyǵyna kirmeı júzege asyrylady.6. Jolaýshylardy metropolıtenniń jyljymaly quramyna otyrǵyzý, túsirý metropolıtenniń jyljymaly quramy tolyq toqtaǵannan keıin júrgiziledi.7. Jolaýshylardyń metropolıtenniń jyljymaly quramynan shyǵýy jáne oǵan otyrǵyzý metropolıten stansııalarynyń platformasy jaǵynan júrgiziledi.Jolaýshylar stansııa platformalarynda turǵan kezde, metropolıtenniń jolaýshylarǵa qyzmet kórsetý boıynsha kezekshisiniń nusqaýymen barlyq platforma stansııasy boıynsha birkelki ornalasady jáne metropolıtenniń jyljymaly quramy toqtaǵan kezde jolaýshylar erkin shyǵý úshin metropolıtenniń jyljymaly quramynyń avtomattandyrylǵan esikteriniń aldyndaǵy oryndardy bosatady.Kámeletke tolmaǵan adamdar metropolıten stansııasynyń aýmaǵynda birge júretin eresek adamnyń nemese metropolıtenniń jolaýshylarǵa qyzmet kórsetý boıynsha kezekshisimen birge júredi.8. Metropolıten qyzmetkerleri, jolaýshylar qaýiptiligi joǵary aımaqtarda:1) kámeletke tolmaǵandardy qaraýsyz qaldyrmaýǵa, ártúrli qımyl oıyndaryn uıymdastyrmaýǵa;2) eskalatorlardy jáne ótkelderdi qol júgimen, bagajben, ózge de zattarmen bógemeýge;3) metropolıtenniń jyljymaly quramynyń júrýi barysynda otyrmaýǵa jáne túspeýge, vagon terezelerinen basyn shyǵarmaýǵa;4) metropolıtenniń jyljymaly quramy esikteriniń avtomatty jabylýy men ashylýyn bógemeýge, olardy qozǵalys kezinde ashpaýǵa;5) qoqystardy tastamaýǵa, metropolıtenniń jyljymaly quramynyń salonynda tez tutanǵysh jáne jarylǵysh zattardy tasymaldamaýǵa;6) stansııalarda ótetin jerleri men metropolıtenniń jyljymaly quramynda temeki tartpaýǵa;7) vestıbıýlderdi, ótpelerdi, stansııalar platformalaryn, metropolıtenniń jyljymaly quramynyń salondaryn, eskalatorlardy jáne joldardy lastamaýǵa;8) spırttik ishimdikter ishpeýge, metropolıtenniń jyljymaly quramynda jáne stansııalarynda alkogolge, esirtkige nemese ýytqa mas kúıde bolmaýǵa;9) jolaýshy platformasy arqyly kele jatqan nemese jónelip bara jatqan metropolıtenniń jyljymaly quramymen qatar júgirmeýge, sondaı-aq metropolıtenniń jyljymaly quramy aıaldaýsyz ótip bara jatqan kezde platformanyń shetinen eki metr jaqyn bolmaýǵa, metropolıtenniń jyljymaly quramy tolyq toqtaǵanǵa deıin jaqyndamaýǵa;10) metropolıtenniń jyljymaly quramy vagonynyń avtomattandyrylǵan esigine súıenbeýge tıis.9. Jolaýshylarǵa metropolıtenniń stansııalarynda relstik joldardan ótýge jáne oǵan túsýge jol berilmeıdi.10. Jolaýshylar stansııa platformasynda metropolıtenniń jyljymaly quramyn kútken kezde jolaýshylarǵa qyzmet kórsetý boıynsha kezekshiniń jáne metropolıtenniń basqa da qyzmetkerleriniń metropolıtenniń jyljymaly quramynyń kelýin kútý jáne oǵan otyrǵyzý kezinde jolaýshylardyń qaýipsizdigin qamtamasyz etýge baılanysty talaptaryn saqtaıdy.
3. Metropolıtenniń qaýiptiligi joǵary aımaǵynda jumys júrgizý tártibi11. Metropolıtenniń qaýiptiligi joǵary aımaqtarynda jumystar júrgizý metropolıten ákimshiligi beretin jazbasha ruqsat negizinde júrgiziledi.12. Metropolıtenniń qaýiptiligi joǵary aımaǵynda jumystar júrgizýge ruqsat alý úshin metropolıten ákimshiliginiń mekenjaıyna mynadaı qujattar:1) jumys túrlerin jáne olardy júrgizý qajettiligi kórsetilgen jazbasha ótinish;2) jumystar júrgizý kezinde metropolıtenniń qaýiptiligi joǵary aımaǵynyń obektileri (elementteri) zaqymdalǵan jaǵdaıda, olardy qalpyna keltirý týraly mindetteme;3) qorshaýlardy ornalastyrý jáne jumystardy júrgizý oryndarynyń shemasy;4) jumystardy júrgizýdiń jáne aıaqtaýdyń kúntizbelik kestesi beriledi.13. О́tinish jeti jumys kúniniń ishinde qaralady jáne kórsetilgen merzimnen keıin jumystardy júrgizýge ruqsat ne bas tartý týraly dáleldi jaýap beriledi.Osy Qaǵıdalardyń 12-tarmaǵynda kórsetilgen qujattardy tolyq usynbaý metropolıtenniń qaýiptiligi joǵary aımaǵynda jumystar júrgizýge ruqsat berýden bas tartýǵa negiz bolyp tabylady.14. Jedel avarııalyq-qalpyna keltirý jumystary metropolıten ákimshiligi ókiliniń qatysýymen oryndalady.Jedel avarııalyq-qalpyna keltirý jumystaryn júrgizý qajettigin, sondaı-aq olardyń sharttaryn metropolıten ákimshiligi aıqyndaıdy.15. Metropolıtenniń qaýiptiligi joǵary aımaǵynda metropolıtende qozǵalys qaýipsizdigin tómendetetin jáne metropolıtenniń jyljymaly quramynyń qozǵalysynda úzilisterdiń týyndaýyna ákeletin jumystardy júrgizýge ruqsat etilmeıdi.16. Jolaýshylar qaýipsizdigine qater tóngen kezde metropolıtenniń qyzmetkerleri metropolıtenniń aýmaǵynan jolaýshylardy evakýasııalaıdy.17. Qaýiptiligi joǵary aımaqqa órt sóndirý jáne avarııalyq-qutqarý komandalary, jedel medısınalyq járdem brıgadalary kedergisiz jiberiledi.