2013 jylǵy 4 qazan, Astana qalasy
Gazben jabdyqtaý júıelerine qosýǵa arnalǵan tehnıkalyq sharttardy berý qaǵıdasyn bekitý týraly
Qazaqstan Respýblıkasy Úkimetiniń 2012 jylǵy 10 tamyzdaǵy № 1041 qaýlysymen bekitilgen Taýarlyq jáne suıytylǵan munaı gazyn bólshek saýdada ótkizý jáne paıdalaný qaǵıdalarynyń 7-tarmaǵyna sáıkes buıyramyn:1. Qosa berilgen Gazben jabdyqtaý júıelerine qosýǵa arnalǵan tehnıkalyq sharttardy berý qaǵıdasy bekitilsin.2. Qazaqstan Respýblıkasy Munaı jáne gaz mınıstrliginiń Gaz ónerkásibin damytý departamenti (S.A.Brekeshev) Qazaqstan Respýblıkasy Ádilet mınıstrliginde osy buıryqtyń memlekettik tirkeýin jáne onyń odan ári zańnamada belgilengen tártippen resmı buqaralyq aqparat quraldarynda jarııalanýyn qamtamasyz etsin.3. Osy buıryq alǵashqy resmı jarııalanǵanynan keıin kúntizbelik otyz kún ótken soń qoldanysqa engiziledi.
Mınıstr U.Qarabalın.KELISILDIQazaqstan Respýblıkasy О́ńirlik damý birinshi vıse-mınıstri_____________ Q. О́skenbaev«___» __________ 2013 jyl KELISILDIQazaqstan Respýblıkasy Tabıǵı monopolııalardy retteý agenttiginiń tóraǵasy_____________ M. Ospanov«___» __________ 2013 jyl
Qazaqstan Respýblıkasy Munaı jáne gaz mınıstriniń 2013 jylǵy 4 qazandaǵy № 180 buıryǵymen bekitilgen
Gazben jabdyqtaý júıelerine qosýǵa arnalǵan tehnıkalyq sharttardy berý qaǵıdasy
1. Jalpy ereje1. Gazben jabdyqtaý júıelerine qosýǵa arnalǵan tehnıkalyq sharttardy berýdiń osy qaǵıdasy (budan ári – Qaǵıda) «Gaz jáne gazben jabdyqtaý týraly» Qazaqstan Respýblıkasynyń 2012 jylǵy 9 qańtardaǵy Zańyna (budan ári – Zań), Qazaqstan Respýblıkasy Úkimetiniń 2012 jylǵy 10 tamyzdaǵy № 1041 qaýlysymen bekitilgen Taýarlyq jáne suıytylǵan munaı gazyn bólshek saýdada ótkizý jáne paıdalaný qaǵıdalaryna sáıkes ázirlendi jáne gazben jabdyqtaý júıelerine qosýǵa arnalǵan tehnıkalyq sharttardy berý men olardy berýden dáleldi bas tartý tártibin belgileıdi.2. Osy Qaǵıdada mynadaı negizgi uǵymdar men anyqtamalar paıdalanylady: qyzmet jetkizýshi – gaz taratatyn nemese gaz jelilik uıymdar;tehnıkalyq sharttar – gazben jabdyqtaý júıesi obektilerin salýǵa, suratylatyn (esep aıyrysý) parametrlerde tutynýshyny qosýǵa, gazben jabdyqtaý júıesi obektisiniń bastapqy jobalyq sheshimin ózgertýge arnalǵan gaz taratatyn nemese gaz jelilik uıymdary beretin qujat.Osy Qaǵıdada paıdalanylatyn ózge de termınder men anyqtamalar Zańǵa sáıkes qoldanylady.
2. Tehnıkalyq sharttardy berý3. Tehnıkalyq sharttardy qyzmet jetkizýshi myna jaǵdaılarda: 1) gazben jabdyqtaý júıelerine qosylatyn jańa obektiler jobalanǵan jáne keıin salynǵanda;2) jumys istep turǵan gazben jabdyqtaý júıesiniń tutynylatyn qyzmet kólemderi artqanda;3) obektini jańartý jáne/nemese profılın ózgertý, eger ol tutynatyn qyzmet kólemderi men sıpattamalaryn ózgertýge ákep soqsa.4. Tehnıkalyq sharttardy alý úshin jeke nemese zańdy tulǵa (budan ári – ótinish berýshi) qyzmet jetkizýshige barynsha saǵattyq tutyný kólemin kórsete otyryp ótinish erikti túrde beredi.О́tinishke mynalar qosa beriledi:1) jeke tulǵalar úshin – obekt ıesiniń jeke kýáliginiń kóshirmesi, zańdy tulǵalar úshin – memlekettik tirkeý/qaıta tirkeý týraly kýáligi nemese anyqtamanyń kóshirmesi;2) obekti ornalasqan jyljymaıtyn múlikke quqyq belgileıtin qujattar, nemese jyljymaıtyn múlik ıesiniń obektini gazdandyrýǵa arnalǵan notarıaldy kýálandyrǵan kelisiminiń kóshirmesi;3) gazdandyrylatyn obektige (turǵyn úıge) arnalǵan tehnıkalyq pasporttyń kóshirmesi nemese qoldanystaǵy (úı ishindegi) jelilerdi jańartýǵa arnalǵan gazdandyrýdyń eskızdik jobasynyń kóshirmesi;4) 1:500 masshtabtaǵy qurylys ýchaskesiniń topografııalyq túsirilimi (barlyq jer ústi jáne jer asty kommýnıkasııalary jáne qurylystarymen);5) tehnıkalyq sıpattamasy kórsetilgen gaz tutyný jabdyqtaryna arnalǵan tehnıkalyq pasporttyń kóshirmesi;6) obektiniń ornalasý shemasy;7) zańdy tulǵalar úshin - kóp qabatty úılerdi gazdandyrý kezinde tamaq pisirý, jylytý, aýany jańartý, kondısıonerleý, ystyq sýmen jabdyqtaý úshin tabıǵı gazdy paıdalanýǵa arnalǵan gıdravlıkalyq esepteýler.5. Jańa keńeıtiletin jáne jańartylatyn obektilerdiń gazben jabdyqtaý júıeleriniń óndiristik qýattylyǵyn anyqtaý qajet bolǵanda qyzmet jetkizýshi osy Qaǵıdanyń 4-tarmaǵyna sáıkes ótinish kelip túsken kúninen bastap úsh jumys kúni ishinde kommersııalyq esepteý aspaptaryn ornatý boıynsha aqparattardy, saýalnama paraǵyn, jer ýchaskesin bólý syzbasyn suratady.6. Qyzmet jetkizýshiniń Tehnıkalyq sharttardy berý merzimi – osy Qaǵıdanyń 4-tarmaǵyna sáıkes ótinish kelip túsken kúninen bastap bes jumys kúni.7. Gazben jabdyqtaý júıelerine obektilerdi qosýǵa tehnıkalyq sharttar:1) osy Qaǵıdanyń 4-tarmaǵyna sáıkes ótinishke qosa beriletin qujattar men málimetterdiń tolyq jáne durys bolǵan;2) gazdandyrylatyn obektiniń Qazaqstan Respýblıkasynyń normatıvtik quqyqtyq aktileri men normatıvtik-tehnıkalyq qujattarynyń talaptaryna sáıkes kelgen;3) obektini gazdandyrýdyń tehnıkalyq múmkindigi bolǵanda, onyń ishinde, jańa obektilerdi qosý nemese qoldanystaǵy qýattardy arttyrý basqa tutynýshylarǵa kórsetiletin qyzmet sapasyn tómendetýge ákelmegen;4) jeli bolǵan jaǵdaıda júzege asyrylatyn bolady.8. Osy Qaǵıdanyń 7-tarmaǵyndaǵy talaptarynyń bireýine sáıkes kelmese ótinish berýshige ótinish kelip túsken kúninen bastap merzimi bes jumys kúni ishinde bas tartý sebepteri kórsetilgen jazbasha túrde dáleldi jaýap jiberiledi.9. Tehnıkalyq sharttarda jabdyqtyń uıǵaryndy qýattylyǵy, sany, ornalasýy jáne negizgi sıpattamalary kórsetiledi. 10. Tehnıkalyq sharttar jobalaý (jobalaý-smetalyq) qujattama quramynda bekitilgen qurylystyń normatıvtik uzaqtyǵynyń búkil merzimi ishinde qoldanylady.11. Gazben jabdyqtaý júıesi obektisiniń bastapqy jobalyq sheshimi ózgergen jaǵdaıda, tehnıkalyq shart, olardyń qoldanylý kezeńi ishinde ótinish berýshiniń jańa tehnıkalyq shartqa ótinishi osy Qaǵıdada belgilengen tártippen qyzmet jetkizýshige berý arqyly ózgeredi.12. Tehnıkalyq shartty olardyń qoldanylý kezeńi ishinde ózgertý qyzmet jetkizýshiniń bastamasy boıynsha ótinish berýshiniń kelisimimen Qazaqstan Respýblıkasynyń normatıvtik quqyqtyq aktileri men normatıvtik-tehnıkalyq qujattarynyń talaptary ózgertilgen jaǵdaıda jol beriledi.13. Qyzmet jetkizýshi berilgen tehnıkalyq sharttardyń esebin júrgizedi.14. Obekt ıesi aýysqan kezde múddeli taraptardyń biri (ıesi, satyp alýshy, jalǵa alýshy) satyp alý-satý (múliktik jaldaý) sharty jasalǵan kúninen bastap on kúntizbelik kún ishinde qyzmet jetkizýshige ıesiniń aýysýy týraly habarlaıdy jáne olardyń ókilderin belgilengen kúni men saǵatta kórsetkishterdi, kommersııalyq esepke alý aspaptarynyń qosylý shemasyn tekserip salystyrý úshin shaqyrady. Qyzmet jetkizýshi tıisti aktini jasaıdy jáne tutynýshyǵa sol jerde beredi.Qyzmet jetkizýshige ıesiniń aýysýy týraly habarlamamen birge taraptardyń balanstyq tıistiligin jáne paıdalaný jaýapkershiligin bólý aktilerin qaıta rásimdeýge jiberedi. Qaıta rásimdelgen aktini berý merzimi habarlama alǵan kúninen bastap úsh jumys kúnin quraıdy.15. Tehnıkalyq sharttardy berý aqysyz júzege asyrylady.
Buıryq Qazaqstan Respýblıkasynyń Ádilet mınıstrliginde 2012 jylǵy 20 qarasha Normatıvtik quqyqtyq kelisimderdi memlekettik tirkeýdiń tizilimine №8021 bolyp engizildi.