Tabıǵat sýretshisi

Kórme maqsaty – tanymal sýretshi T.Baıǵalıevtiń qaǵaz ben kenep betine ór­nek­telgen týǵan ólkege ar­nal­ǵan shyǵar­malaryn óner­súıer qaýymǵa keńinen nası­hattaý.

Jıynda betashar sózdi Ult­tyq mýzeıdiń ǵylymı hatshysy Saıalbek Gızzatov sóıledi.

«Elimiz táýelsizdik alǵan­nan bastap beıneleý ón­rinde de kóptegen sýret­shi­miz­diń shy­­­ǵarmashylyq tabys­tarǵa qol jetkizgeni bar­sha­myzǵa aıan. So­lardyń biri de bire­geıi – qazaq beı­neleý óne­riniń qyl­qalam she­beri, sýretshi Tóleýǵazy Baıǵalıev. Onyń eńbegi kól-kósir. Onyń týyn­dy­lary es­tııar kórermen­der­diń júrek tórinen oryn alyp, kópshiliktiń kóńilinen shyǵady degen oıdamyn», dedi S.Gızzatov. Odan keıin qyl­qalam sheberiniń je­tis­tikterin jipke tizdi.

Avtor – peızaj, grafıka, tarıhı janrlarda tabıǵatpen úndese jumys isteıtin sanaý­ly sýretshilerdiń biri. О́ner ıesi jyl boıy tabıǵat tús­teriniń ózgerisin adamnyń kóńil kú­ıi­men úndestire otyryp, ony kún­­delikti qaǵaz betine túsirip otyrady. Oǵan «365+1» kar­tınalar serııasy dálel. Avtordyń týyndylarynan tý­ǵan jerge degen erekshe súıis­­penshiligin kóremiz. Ol ózi­­niń kartınalarynda týǵan je­riniń tamasha tabıǵatyn sýrettep qana qoımaı, Alashtyń alyptary A.Qunanbaev, Sh.Qu­daıberdiuly, M.Áýezov syndy danalarymyzdyń kindik qany tamǵan topyraqty álemge tanyta bildi.

Shara barysynda Kórkem­óner akademııasynyń vıse-prezıdenti Erlan Saqypov, Mádenıet salasynyń úzdigi, Qa­zaqstan Sýretshiler odaǵy­nyń múshesi Dınara Nó­ger sý­ret­shiniń kartına jazý má­neri men tehnıkasynyń erek­sheligine, tul­ǵalyq qasıetine toqtala ke­lip, Sýretshiler oda­­ǵynyń atynan Alǵys hat ta­bys­tady.

Ekspozısııaǵa sýretshi T.Baı­­­­ǵalıevtiń 100-ge jýyq kóz tartar sulýlyǵymen erek­she­­­lenetin peızajy men tereń tarıhtan syr sher­tetin óner shy­ǵarmasy qa­lyń jurt­shylyq na­zaryna usy­nyldy.