Nóser jaýyn kezindegi sý tasqyny saldarynan Indonezııa astanasynyń 1 300 turǵyny úıin tastap ketti. Birneshe ózen deńgeıi kóterilip, kóptegen kvartaldy sý basty. Djakartanyń birneshe aýdanynda kóterilgen sý deńgeıi eki metrden asty.
Mýsson maýsymynyń jańbyry birneshe kún tolassyz jaýǵan. Tabıǵat apatyna qaramastan, evakýasııa júıeli uıymdastyrylǵan. Ázirge zardap shekkenderge qatysty málimet joq. Kóp uzamaı sý deńgeıi birtindep tómendeı bastady.
Jalpy, Iаva aralynda laı kóshkini júrip, bir aýyldyń 18 adamy qaıtys boldy. Sý basyp qalǵan jol kómek berýge kedergi keltirip otyr. Sınoptıkter kelesi aptada Mýsson jańbyry qaıta jaýady dep eskertti.
«Bosańsýǵa áli erte. Djakarta men oǵan jaqyn aımaqtardy aldaǵy ýaqytta qalyń nóser kútip tur. Jańbyrly maýsym aqpannyń aıaǵy men naýryzdyń basyna deıin sozylýy múmkin», deıdi Indonezııa meteorologııa agenttiginiń basshysy.