QR Ulttyq Bankiniń Tóraǵasy Erbolat Dosaev búgingi Úkimet otyrysynda qazaqstandyq bankterdegi depozıtter men kredıtterdiń somalary týraly aıtyp berdi, dep habarlaıdy Egemen.kz
Dosaevtyń aıtýynsha, bank júıesindegi depozıtter qańtar aıynda 2,7% - ǵa 22,7 trln teńgege deıin, onyń ishinde ulttyq valıýtada 3,0% - ǵa nemese 415,2 mlrd teńgege 14,3 trln teńgege deıin, shetel valıýtasynda 2,1% - ǵa nemese 170,8 mlrd teńgege 8,4 trln teńgege deıin ulǵaıdy.
Depozıtterdi dollarlandyrý deńgeıi 2021 jylǵy qańtarda 37,1% - ǵa jetip, tómendeýdi jalǵastyrdy, dedi Dosaev.
Sonymen qatar, qazaqstandyqtar jıi nesıe ala bastady.
Halyqtyń kredıttik qorjynynyń 1% - ǵa ósýi bıznes kredıtteri qorjynynyń 1,4% - ǵa tómendeýin ótedi. Shaǵyn bızneske kredıtter 0,9% - ǵa nemese 23,6 mlrd.teńgege ulǵaıdy. Bólshek kredıtter qurylymynda qańtar aıynda tutynýshylyq qaryzdar 1% – ǵa 4,43 trln teńgege deıin, ıpotekalyq qaryzdar 1,7% - ǵa 2,41 trln teńgege deıin ósti, dep habarlady Erbolat Dosaev.
Sonymen qatar, qańtar aıynda ekonomıkaǵa kredıtter ótken jylǵy jeltoqsan deńgeıinde saqtalyp, 14,6 trln teńgeni qurady. Ekonomıkanyń naqty sektoryna kredıttik resýrstardyń quny ótken jylǵy qańtardaǵy 12,1% - ben salystyrǵanda 11,5% - ǵa deıin tómendedi.