Alańsyz kúnderdiń áldıi

Qansha jerden jaqyn tart­qanymen alyp shári as­pa­nyndaǵy aýa týǵan jerdiń tú­tinine tatymaıdy eken-aý.

Bizdi osyndaı oıǵa jetelegen Qazaqstan Sýretshiler Odaǵynyń múshesi, «Tarlan» syılyǵynyń laýreaty Asqar Esdáýlettiń «Atameken» tý­yn­dysy. Tabanymdy topy­raǵy súıip, mańdaıymdy je­li ópken, kóńilimdi aq jaınaq kúni elitken altynnan qymbat besik jurt. Kartınaǵa qaraǵanda aýyldaǵy aqjaınaq sátter, eski kıno lentasyndaı saǵym jyldar, kúlimkóz kún­derdiń kerýeni kóz aldyń­nan tizilip ótedi.

Kartınada kelmes ýaqyt bederinde ketken ádemi sát­terdiń aıqaıy, qıylys-bury­lysy, aqshańdaq joly, aq­saqal aqyly, baıaǵy qońyr jyl­dardyń qýanyshy shalqyp jatyr. Balalyǵyńnyń ba­labaqshasyn kóz aldyńa áke­le­tinin qaıtesiń, shirkin?! Ýaqytty keri aınaldyryp, saǵy­nyshqa aınalǵan mereıli me­zetke qaıta sapar shekkin keledi.

Qylqalam sheberi Asqar Esdáýletov eldegi eń batyl ári jańashyl sýretshilerdiń biri. Solaı degenniń ózinde, óz týyn­dylarynda ulttyq jáne dás­túrli sıýjetterge úne­mi kó­ńil bólip otyrady. Muny osy kar­tınanyń ózi-aq kór­setip turǵandaı.

«Atameken» kartınasynyń sıýjeti urpaq sabaqtastyǵy men týǵan jerge degen saǵynysh bıiginde sıpattalǵan. Úlkenge qurmet, kishige izet, sondaı-aq baıyrǵy kóshpelilerdiń ómirin hám dástúrli turmys kó­rinisterin ashyp beredi. Sý­retshi oqyrman nazaryn taza tústerge aýdarýǵa tyrysqan. Kartına sándik keskindeme stı­limen oryndalǵan.

Negizinde, qylqalam ıe­si is júzinde taza tús­ter­di aralastyrmaı paıda­lanǵan. Kar­­tınanyń ortasyn­da­ǵy qarııa men túıe­den jy­ly jáne sýyq reńk­ter baı­qalady. Kúń­­girtteý sary, aralas kó­gildir, jasyl tús­ter, boıaý­lar­dyń je­ńil reńkteri oqyr­mandy ty­nyshtyq pen ja­ra­sym­dy­lyqqa je­teleıdi.

Tústerdiń qanyq qalyń tabynan móldir keńistikke tó­gilgen ártúrli keskindemelik t­á­­silder qoldanylǵan. Bul av­tor­dyń sheberligin áıdik­tep tur­ǵandaı. Avtordyń kó­keıinde ja­nartaýdaı atqylap turǵan eń uly saǵynysh – aıaýly atamekeni.