Shymkent qalasynyń ákimi Murat Áıtenovtiń qoldaýymen №2 qalalyq aýrýhana bazasynda joǵary mamandandyrylǵan ınsýlt ortalyǵy men angıografııa bólimshesi ashyldy, dep habarlaıdy Egemen.kz
Jańadan ashylǵan ortalyqta medısına mamandary Shymkent qalasy men Túrkistan oblysynyń turǵyndaryna shuǵyl medısınalyq kómek kórsetedi.
Zamanaýı medısınalyq qural - jabdyqtarmen qamtylǵan ortalyq 30 orynǵa laıyqtalǵan. Munda sońǵy úlgidegi ekspress - klasty bıplandy Philips Azurion 7 V20/15 angıografııalyq apparaty men ókpeni jasandy tynystandyrý, sıfrly rengen syndy ınsýlt aýrýyn emdeýge qajetti apparattar ornatylǵan.
Teńdesi joq qurylǵylarmen jumys isteý úshin medısına mamandary shet elderde biliktiligin arttyryp kelgen.