Sońǵy aptada Batys Qazaqstan oblysynda koronavırýsqa shaldyqqandar sany shamamen 21%-ǵa ósti. 4370-ten astam batysqazaqstandyq ınfeksııaǵa qarsy egildi, dep habarlaıdy Egemen.kz oblys ákiminiń baspasóz qyzmetine silteme jasap.
BQO densaýlyq saqtaý basqarmasy basshysynyń orynbasary Gúlnar Abdrahmanova habarlaǵandaı, oblysta koronavırýstyq ınfeksııadan 230 adam qaıtys bolǵan.
- Naýqastar aýrýdyń aýyr jáne óte aýyr túrimen aýyrady. Ásirese, arterııalyq gıpertenzııasy, qant dıabeti, júrektiń ıshemııalyq aýrýy bar egde jáne kárilik jastaǵy adamdarda aýrý ótkir. Biz batysqazaqstandyqtarǵa barlyq sanıtarlyq normalar men betperde rejımin saqtaýǵa jáne JRVI alǵashqy belgileri kezinde medısınalyq kómekke júginýge keńes beremiz, - dedi Gúlnar Abdrahmanova.
Ol 1 aqpannan bastap BQO-da COVID-19-ǵa qarsy vaksınalaý bastalǵanyn eske saldy. Búgingi tańda medısına qyzmetkerlerin «Spýtnık-V» vaksınasynyń birinshi komponentimen vaksınalaý aıaqtaldy.
- 19 naýryzda biz osy vaksınany taǵy 1000 dozada (I komponent) aldyq, qazirgi ýaqytta vaksınalaý keste boıynsha jalǵasýda. Jalpy málimetter boıynsha, BQO - da 4371 adam ekpe aldy, onyń 786-sy-pedagogtar, 199-y-kúsh qurylymdarynyń qyzmetkerleri, - dep túsindirdi oblystyq densaýlyq saqtaý basqarmasy basshysynyń orynbasary.
BQO sanıtarlyq-epıdemııalyq baqylaý departamenti basshysynyń orynbasary Nurlybek Mustaevtyń aıtýynsha, oqýshylar arasynda juqtyrý oqıǵalary da bar. Tek 3 toqsanda osyndaı 393 fakti tirkeldi, al 11-25 naýryz aralyǵynda Oral qalasynyń 8 mektebinde 15 synypty jáne Tasqala aýdanynda bir synypty karantınge jabýǵa týra keldi.
- Mereke kúnderi monıtorıngtik toptar kafede otbasylyq merekeler ótkizý jaǵdaılaryn anyqtady, qazir ákimshilik quqyq buzýshylyqtar qarastyrylýda. Buǵan deıin sot sheshimi boıynsha buqaralyq is-sharalardy birneshe ret ótkizgeni úshin birneshe oıyn-saýyq mekemeleriniń qyzmeti eki aıǵa toqtatyldy. Naýryz aıynyń basynan bastap buzýshylyqtarmen úsh nysan anyqtaldy, 787590 teńge somasyna 18 hattama qaraldy, - dep atap ótti Nurlybek Mustaev.