Túrki keńesine múshe memleketter basshylarynyń beıresmı sammıti qarashada Ystanbulda ótetin jıynǵa daıarlyq sıpatynda ótken syńaıly. Iаǵnı Qazaqstannyń Tuńǵysh Prezıdenti Nursultan Nazarbaevtyń 2019 jyly Bakýde aıtqan usynysy osy jıynnan keıin Ystanbul sammıtiniń negizgi kún tártibine aınalatyn bolar dep oılaımyn.
Sonymen qatar, kúzde Keńeske Túrikmenstan baqylaýshy bolsa nemese birden múshelikke ense, tańǵalmas edim. Osy jolǵy jıynda sondaı qadamnyń negizi qalandy. Ekinshiden, osy jolǵy sammıt qarsańynda túrki ıntegrasııasyna qyzmet etetin uıymdardyń mártebesi bekigenin atap ótý kerek. Atap aıtqanda, Halyqaralyq Túrki akademııasyn qarjylandyrý tetigi resmı túrde bekidi. Munyń ózi ıntegrasııanyń jańa satyǵa kóterilip kele jatqanyn kórsetedi. Iаǵnı sammıt aralyq kezeńderde qyrýar sharýa atqarylyp jatyr. Bul – úlken jetistik.
Ári endigi baılanystarda ekonomıkalyq sıpat basymdyqqa ıe bola bastaǵan syńaıly. Prezıdent Qasym-Jomart Toqaevtyń túrki álemin jahandaǵy mańyzdy ekonomıkalyq, mádenı-gýmanıtarlyq keńistikke aınaldyrý, О́zbekstan basshysy Shavkat Mırzııoevtiń túrki Damý bankin qurý jónindegi oılary sony meńzeıdi.
Degenmen, Túrki keńesine múshe memleketter ıntegrasııalyq prosesterdi sabyrly, jan-jaqty oılastyra otyryp júrgizip jatyr. Bolashaqta ózara baılanystarǵa kedergi keltirýi yqtımal faktorlardy týyndatpaý jaǵyn eskerýde.
Eń bastysy, beıresmı sammıt AQSh pen Reseı, sondaı-aq AQSh, Eýropa odaǵy men Qytaı arasynda kúsheıe bastaǵan teketires kezeńinde túrki áleminiń áreketin pysyqtap alýǵa taptyrmas múmkindik boldy dep bilemin. О́ıtkeni jahandyq derjavalardyń kez kelgenimen túrki memleketteri tyǵyz qarym-qatynas ornatqan. Túrki elderi olardyń arasyndaǵy kıkiljińde bir tarapty jaqtaýdan aýlaq bolýǵa tyrysady.
Amangeldi QURMET,
«Aıqyn» gazeti bas redaktorynyń orynbasary