Túrkistan qalasynda Ortalyq Azııadaǵy eń iri «Kerýensaraı» kópfýnksıonaldy týrıstik kesheniniń ashylý rásimi ótti, dep habarlady Úkimettiń baspasóz qyzmeti.
Investısııalyq jobany Turkistan Tourism City kompanııasy iske asyrdy, keshen qurylysy 2019 jyly jeltoqsan aıynda bastaldy. Nysan Qoja Ahmet Iаsaýı kesenesine qarama-qarsy «Áziret Sultan» mádenı qoryǵynyń býferlik aımaǵynda 20,5 ga aýmaqta ornalasqan. Munda 4 myńnan astam turaqty jumys orny quryldy.
Keshenge Jibek joly dáýirindegi saýdagerler men qolónershiler kóshesi, «ushatyn teatr», at shoýyn ótkizýge arnalǵan amfıteatr, Shyǵys bazary, saýda sóreleri men býtıkter, qonaqúıler men meıramhanalar, SPA jáne fıtnes-ortalyq, kınoteatr, otbasylyq oıyn-saýyq ortalyǵy kiredi. Bul rette, barlyq qurylymdar sý arnasy arqyly baılanystyrylǵan, onda sýdaǵy «qaıyq sherýi» teatrlandyrylǵan shoýy ótkiziledi.
«Kerýensaraı» kesheniniń Ortalyq Azııada balamasy joq jáne ol Qoja Ahmet Iаsaýı kesenesinen keıin óńirge týrıster men ınvestısııalardy tartatyn basty ortalyqqa aınalýy tıis.
«Kerýensaraı» kesheniniń ashylý saltanatyna Premer-Mınıstr Asqar Mamın, Túrkistan oblysynyń ákimi О́mirzaq Shókeev, Mádenıet jáne sport mınıstri Aqtoty Raıymqulova, sondaı-aq ınvestor kompanııanyń ókili Qýanyshbek Qudaıbergen qatysty.
A.Mamın Túrkistandaǵy Qazaq mýzykalyq drama teatryna bardy. Ǵımarattyń jalpy aýdany 11 myń sharshy metrden asady. Bul asa jańa jabdyqtarmen jáne teatr jumysyna qajetti barlyq bólmemen jabdyqtalǵan zamanaýı keshen. Kórermender zalynyń syıymdylyǵy 510 adamdy quraıdy.
Úkimet basshysy oblystyq ǵylymı-ámbebap kitaphanamen tanysty. Bul – aqparat pen shyǵarmashylyqqa arnalǵan biregeı hab. Ǵımarattyń úsh qabaty oqý zaldary, kovorkıng-ortalyqtary, foto, beıne jáne aýdıojazba, kallıgrafııa, qysh óneri stýdııalary, sheberhanalary, onyń ishinde 3D-modelderdi jasaýǵa arnalǵan sheberhanalary, sondaı-aq kınokonsert zaly, kofehanalary, kitap kádesyılary men qoldan jasalǵan buıymdar dúkenderi qamtylǵan aýmaqtarǵa bólingen.
Kitaphananyń ǵylymı-zertteý ortalyǵynda kitap saqtaý qoımasy, sırek kezdesetin kitaptar men kóne zamanǵy qoljazbalardy saqtaýǵa arnalǵan bólim, qujattardy, kitaptardy sıfrlandyrý jáne konservasııalaý sehtary, onyń ishinde Ortalyq Azııadaǵy totyǵýǵa qarsy jabdyqpen jabdyqtalǵan birden-bir seh bar.
Jumys sapary aıasynda Premer-Mınıstr Túrkistan qalasynda basqa da ınvestısııalyq jobalardyń iske asyrylý barysyn tekserdi.