Qazaqstandyq Iýlııa Pýtınseva búgin jańartylǵan WTA reıtınginde úzdik otyz tennısshiniń qataryna qaıta kirdi, dep habarlaıdy Egemen.kz QazAqparatqa silteme jasap.
О́tken aptada Charlston WTA 500 týrnıriniń shırek fınalyna deıin jetken Iý.Pýtınseva 31-den 30-orynǵa kóterildi.
Iýlııany jeńgen chernogorııalyq Danka Kovınıch keıin fınalda ǵana jeńilis taýyp, birden 26 satyǵa joǵarylap, 65-orynǵa jaıǵasty. Al osy aıtýly dodada jeńimpaz atanǵan reseılik Veronıka Kýdermetova 38-den 29-orynǵa kóterilip, Reseıdiń 1-raketkasy atandy.
Qazaqstannyń birinshi raketkasy Elena Rybakına 23-ornynda qalsa, Zarına Dııas 88-den 90-ǵa syrǵydy.
Qazaqstan áıelder quramasyn osy aptada mańyzdy kezdesýler kútip tur. Qazaqstandyqtar 16-17 sáýir kúnderi Bıllı Djın Kıng kýbogynyń pleı-off kezeńinde Argentınanyń Kordova qalasynda kort ıelerimen match ótkizedi.