Qazaqstandaǵy munaı óndiretin kásiporyndardaǵy jumysshylardyń 90 paıyzy koronavırýsqa qarsy vaksınadan bas tartty, dep habarlaıdy Egemen.kz «Habar 24» arnasyna silteme jasap.
Mysaly, bul jaǵdaı Teńiz ken ornynda zaýyt qurylysyn baıaýlatyp otyr. Bul týraly Munaı servıstik kompanııalar odaǵynyń tóralqa tóraǵasy Rashıd Jaqsylyqov málimdedi.
Vaksınasııadan bas tartýdyń bir sebebi - vahtalyq jumysshylarǵa arnalǵan nysandarda qolaıly jaǵdaı jasalǵandyǵy. Olar eńbek kodeksinde kórsetilgen ýaqyttan kóp ýaqytty issaparda ótkizse, qosymsha aqy alady. Al aýysymǵa túser aldynda jumysshylar oqshaýlanady. Rashıd Jaqsylyqov atap ótkendeı, bul jaǵdaıda vaksınasııalaý olar úshin tıimdi emes, óıtkeni joǵary koeffısıentter bolmaıdy.
Aıta keteıik, munaı óndirýshi kompanııalardyń nysandaryna qazirdiń ózinde preparattyń 90 myńǵa jýyq dozasy jetkizilgen.