О́rt qaýipsizdikti saqtamaǵannan shyǵady

Orman-dala órtteri Al­maty, Atyraý, Jambyl, Qy­zyl­­orda, Túrkistan, Batys Qa­zaqstan, Qaraǵandy oblystarynda jáne Almaty qalasynda oryn aldy.

О́tken táýlikte Almaty, Ba­tys Qazaq­stan jáne Qara­ǵandy oblystarynda qurǵaq shóp pen qamystyń 9 janýy tirkeldi.

Máselen, 13 sáýirde saǵat 10.25-te Balqash aýdanynyń Jeltorańǵy aýylynan on sha­qyrym jerdegi ýchas­kede qurǵaq shóp pen qamys jan­dy. Ja­nýdyń aldyn alý kólemi 14 ga qu­rady. Janǵan jerlerdiń batpaqty bolýy jáne ósimdikterdiń qalyń ósýi sóndirý jumystaryn qı­yndata túsken. Janýdy sóndirý jumystaryna Almaty oblysy TJD men Qurty orman sharýa­shylyǵynan 18 qyzmetker men 3 tehnıka jumyldyryldy.

13 sáýirde saǵat 19.24-te Balqash aýdanynyń Kóktal aýylynan on bes shaqyrym jerde qurǵaq shóp pen qamys jandy. Janýdyń aldyn ala kólemi 5 ga qurady. Janýdy sóndirý jumystaryna Almaty oblysy TJD men Qurty orman sharýashylyǵynan 9 qyzmetker men 2 tehnıka jumyldyryldy.

TJM orman jáne dala alqaptarynda órt qaýipsizdigin qamtamasyz etýge tu­raq­ty mo­nıtorıng júrgizedi, sondaı-aq profılaktıkalyq is-sharalar, reıdtik is-shara­lar, halyq, orman jáne sharýa qojalyqtarynyń qyzmet­kerleri arasynda túsindirý jumystaryn júrgizedi.

Bıylǵy sáýir aıynyń basy­nan bas­tap orman-dala alqaptary men demalys oryndarynda polısııamen birlesip 20 birlesken reıd (patrýldeý) (sany 954 adam bolatyn 240 mobıldi top) ótkizildi. Onyń nátıjesi boıynsha zańsyz órteý, aýyl sharýashylyǵy alqaptarynda qurǵaq shóptiń baqylanbaı órtelýi, sternıdi órteý jáne basqa da órt qaýip­sizdigi erejelerin buzǵany úshin 2 adam ákimshilik jaýap­kershilikke tartyldy.

Tabıǵı órtterdiń paıda bolýynyń negizgi sebepteri: sóndirilmegen temeki, ot, janyp jatqan sirińke, atýdan keıin byqsyǵan shań, maıly shúberek nemese shúberek, shyny bótelke, kún sáýlesiniń synýy, kólik quralynyń sóndirgishinen shyqqan ushqyn, qurǵaq eski shópti jaǵý, naızaǵaılar.