Jońǵar-Alataý ulttyq parkiniń aýmaǵynda Sibir taý eshkisi fototuzaqqa alyndy, dep habarlaıdy Egemen.kz Ekologııa, geologııa jáne tabıǵı resýrstar mınıstrligiń telegram-kanalyna silteme jasap.
Jońǵar Alataýy MUTP ǵylym, aqparat jáne monıtorıng bóliminiń qyzmetkerleri park aýmaǵyna foto-tuzaqtar qurý arqyly taýtekelerdiń taralý aýmaǵyna, maýsymdyq qubylystaryna turaqty baqylaýlar júrgizýde.
2020 jyly park aýmaǵynda Taýtekelerdi turaqty esepke alý marshrýttary arqyly sanaq jumystary ınspektorlyq qurmamen, janýarlar álemin qorǵaý jáne sanyn molaıtý, ǵylym, aqparat jáne monıtorıng bólimderiniń, fılıaldardyń ańshylyqtanýshy-bıolog jáne fılıaldyń ǵylymı mamandarymen birlesip júrgizildi. 2020 jylǵy sanaq boıynsha Park aýmaǵyndaǵy sany 1596 bas.
Taýteke – qýys múıizdiler tuqymdasyna jatatyn juptuıaqty janýar. Tekeleriniń dene turqy 140 – 167 sm, salmaǵy 59 – 82 kg bolsa, eshkileri kishirek. Túsi surǵylt, birkelki. Qysqa qaraı iri tekeleriniń jotasy men moınynda, qaptalynda aq tústi jolaq paıda bolady. Tekesiniń semser tárizdi, kóldeneń býnaqty, uzyndyǵy 140 sm-deı múıizi bolady, eshkisiniń múıizi 40 sm-deı. Maýsym saıyn taýdyń basynan etegine, eteginen basyna deıin aýysyp, qonys aýdaryp otyrady.