Jaqyn arada álem fýtbolynda keńinen qoldanylyp, tóreshilerdiń júktemesin azaıtýǵa kómektesip jatqan VAR beıneqaıtalaý júıesi Qazaqstanda da qoldanylmaq. Bul týraly Qazaqstan fýtbol federasııasynyń bas hatshysy Azamat Aıtqojın málimdedi.
«Biz júıeli túrde jumys istep, VAR júıesin iske qosyp bere alatyn seriktesti taýyp qoıdyq. Olar bizge otandyq teleónim daıyndaıtyn kompanııamen birlesip, beıneqaıtalaý nobaıyn usynady. Sonymen qatar FIFA osy jaqynda ǵana VAR Light jobasyn iske qosty. Onda telekórsetilimge jalǵanbaǵan kamerany da beıneqaıtalaý úshin paıdalanýǵa bolady eken. Biz osy jobany Qazaqstanǵa ákelip, tekserýden ótkizip berýin ótindik. Sondyqtan da aldaǵy ýaqytta VAR Light jobasy elimizdiń stadıondaryna ornatyla bastaıdy», deıdi A.Aıtqojın.
VAR júıesi álem fýtbolynda 2018 jyldan beri qoldanylyp keledi.