Bıylǵy sessııa óz basym úshin erekshe boldy. Elbasymyz óz sózinde men týraly da aıtty. Bul – qarapaıym jas azamat úshin zor mártebe, úlken qýanysh jáne keremet qanattandyrý.
Jalpy, Assambleıa jaıly ártúrli pikir aıtylyp jatady. Biraq basqa postkeńestik elderge qaraǵanda biz – 30 jyldyń ishinde ishki soǵysty kórmegen, etnosıdke, etnoseparatızmge jol bermegen kópetnosty halyq, beıbit memleket ekenimizdi eshkim bekerge shyǵara almaıdy.
Iá, turmystyq qaqtyǵystar qaı elde bolsyn ushyrasady. Túrli etnos ókilderi arasyndaǵy jeke tartystar da ár memlekette bar. Biraq biz sondaı daý-damaılardy jeketulǵalyq deńgeıden jalpyulttyq deńgeıge shyǵarmadyq. Qoǵamdyq kelisim modelimizdi BUU, EQYU, basqa da úlken mártebesi bar uıymdar moıyndaǵan. Tek ishki turaqtylyǵymyzdyń jáne osyndaı uıymdardyń joǵary baǵasynyń arqasynda Qazaqstanǵa sheteldik ınvestısııalar kelip túsýde. Qazaqstandy búkil álem qurmetteıdi. Úlgi retinde jahandyq alańdarda bizdiń elimiz týraly sóz qozǵalady. Keıbireýler táýelsizdigimiz ben ishki kelisimimizdi durys baǵalamaıdy, olardyń qadir-qasıetin jete túsinbeıdi. Biz 30 jyldyń ishinde shekaramyzdy bekittik. Jańa saıası jáne ekonomıkalyq ınstıtýttardy qurdyq.
Al eń bastysy – biz egemen elimizdi qurdyq! Dál qazir bárimiz úshin táýelsizdikten asqan baqyt joq. Barlyq jeńisimiz – egemendigimizdiń arqasy. Al jańa egemen memleketimizdiń qalyptasyp, órlep-ósýi Elbasymyzdyń eren eńbegimen tikeleı baılanysty. Jyly kofeınıada kapýchıno iship, tegin vaıfaı men sońǵy smartfon arqyly ótken dáýirge túrli «saıası baǵa» berýge bolady. О́ıtkeni biz – demokratııalyq memleketpiz. Sóz bostandyǵymyz bar. Biraq synaýdyń ornyna, bárimiz naqty ispen elimizdiń damýyna úles qossaq, birneshe jyldyń ishinde tarıhta kórmegen jeńiske jetemiz dep kámil senemin.
Jalpy, keshe Qazaqstan halqy Assambleıasynyń tarıhı sessııasy ótti. Endi osydan 25 jyl buryn qurylǵan mańyzdy ınstıtýtty Prezıdentimiz Qasym-Jomart Toqaev basqaratyn boldy. Assambleıanyń negizin qalaýshy, álemge tanymal «Beıbitshilik pen kelisim» modeliniń avtory, Elbasymyz Nursultan Nazarbaevqa QHA-nyń «Qurmetti Tóraǵasy» qurmetti ataǵy berildi. Bul da ınstıtýtymyz jylnamasynyń jańa mejesi dep aıtýǵa bolady. Beıbitshilik pen dostyq – bos, abstraktyly sózder emes. Bul – bizdiń úlken de ortaq eńbegimiz. Sondyqtan biz, Táýelsizdik jastary, qoǵamdyq kelisimdi nyǵaıtý jolynda bar kúsh-jigerimizdi salýǵa daıynbyz.
Maksım SPOTKAI,
«Jańǵyrý joly» jastar qozǵalysynyń tóraǵasy