Elimizdegi yntymaq pen berekeni tý etken Qazaqstan halqy Assambleıasynyń XXIX sessııasynda uly sheshimniń qabyldanǵanyna kýá boldyq. Qazaqstannyń Tuńǵysh Prezıdenti – Elbasy Nursultan Nazarbaev Assambleıany basqarý quqyǵyn Prezıdent Qasym-Jomart Toqaevqa berý týraly sheshim qabyldady.
Osylaısha, Elbasy óz shákirtteriniń, qanattastarynyń, izbasarlarynyń daıyn bolýyna qaraı ókilettikterdi óz qolymen tabystaı alatyndyǵyn taǵy bir dáleldedi. Bul dana da dara sheshim boldy. San márte sabaqtastyqtyń máni men mańyzyn aldyńǵy orynǵa qoıyp kele jatqan Elbasy bul joly da kóregendigin kórsetti. Zań aıasynda, Konstıtýsııa sheńberinde sarabdal, salıqaly qadam jasady. Ultqa úlgi kórsetip, erteńgi urpaqqa kemel basshy bola bilýdiń jaýapkershiligin uǵyndyra aldy. Ata Zańnan attamaýdyń, beıbitshilik pen kelisimdi bárinen joǵary qoıa bilýdiń budan artyq dáleli joq.
Tuńǵysh Prezıdentimizge zor alǵysymdy aıtamyn. Kóregendigimen kóp dúnıeni týǵan eline túsindire aldy. Túsindirip qana qoımaı, naqty jumys istep, eldiń irgesin bekitip, eńsesin tiktep, birlikti basty baılyǵymyz retinde baǵalap keledi. Árıne, bir kezderi elimizdegi turaqtylyqty, yntymaqty, birlikti synǵa alǵandar da bolyp edi. Elbasy ondaı adamdarǵa ashyq jaýap berip, turaqtylyq pen yntymaq bolmaǵan jerde damý men gúldený de bolmaıtynyn jetkizgen.
Tuńǵysh Prezıdentimizdiń paıymy men parasaty, ózgede joq oı darııasy, kemeldigi men keńdigi – jarqyn bolashaqqa umtylǵan memleket úshin áli talaı jyldar úlgi, ónege bolaryna senemin.
Ahmet MÝRADOV,
Qazaqstan halqy Assambleıasy Keńesiniń múshesi, Qazaqstandaǵy cheshender men ıngýshtardyń «Vaınah» qaýymdastyǵynyń teń tóraǵasy