SQO-da áıelin óltirdi degen kúdikpen 58 jastaǵy aýyl turǵyny ustaldy, dep habarlaıdy Egemen.kz Polisia.kz saıtyna silteme jasap.
10 mamyr kúni saǵat 17:15-te Tımırıazev aýdanynyń polısııa bólimine aýdan ortalyǵyndaǵy úılerdiń birinen atylǵan oqtyń daýysy estilgeni týraly qońyraý túsken. Polıseıler oqıǵa ornyna kelgennen keıin úıdiń aýlasynda 1962 jyly týǵan áıeldiń múrdesin anyqtady, sondaı-aq úıde atys jaraqatymen 2007 jyly týǵan qyz bolǵan. Qyz bala Tımırıazev aýdandyq aýrýhanasyna jetkizildi.
1962 jyly týǵan úıdiń ıesi mas kúıinde áıelimen janjal kezinde «IJ» markaly qarýdan oq atqany, nátıjesinde áıel sol jerde kóz jumǵany belgili boldy. Úıde birge bolǵan nemeresi jaraqat alǵan.
Atalǵan fakti QR Qylmystyq kodeksiniń 99-baby 1-bóligi (Adam óltirý); QR QK 24-baby 3-bóligi, 99-baby 2-bóligi 1,14-tarmaqtary boıynsha Sotqa deıingi tergep-tekserýdiń biryńǵaı tizilimine engizildi.
Kúdikti ýaqytsha ustaý ızolıatoryna qamaýǵa alyndy.