Almaty qalasynda bir táýlikte 3053 adam koronavırýsqa qarsy vaksına saldyrdy, dep habarlaıdy Egemen.kz.
Qalalyq qoǵamdyq densaýlyq saqtaý basqarmasy taratqan málimetke sáıkes, 11 mamyr kúni 3 053 almatylyq vaksına saldyrdy. Bıylǵy jyldyń 1 aqpany men 12 mamyr aralyǵynda qalada barlyǵy 302 985 adamǵa ekpe salyndy. Vaksına egilgender arasynda 60 jastan asqan qart kisilerdiń úlesi – 30 382.
«Jalpy dozadan qazaqstandyq QazVac vaksınasy 3 000 danasyn quraıdy, ıaǵnı, 17 kúnniń ishinde 2 990 adam vaksına aldy. 3 mamyr kúni qytaıdyń Sinopharm vaksınasy 15 000 dozasy jetkizildi, onyń birinshi komponenti boıynsha 1 514 adamǵa vaksına egildi», dep atap ótti basqarma ókili.
Búgingi kúni qalada 214 pýnkt jumys istep tur. 1 282 adamnan turatyn 315 egý brıgadasy bar. Sonymen qatar 40 kóshpeli mobıldi brıgada uıymdastyryldy.
«Qazirgi medısınalyq uıymdarda, mektepterde, mádenıet, sport obektilerinde, bazarlar men qalanyń SOSO-da vaksınasııa pýnkti jumys isteıdi», dep naqtylady Qoǵamdyq densaýlyq saqtaý basqarmasynyń ókili.