Jasandy orman florasyn qurý maqsatynda elordanyń Qorshaǵan ortany qorǵaý jáne tabıǵatty paıdalaný basqarmasy «Astana ormany» JShS-men birlesip, «Jasyl beldeý» faýnasyn damytýdy jalǵastyrýda. Osy maqsatta qyrǵaýyl asyraıtyn oryn qalpyna keltirildi, dep habarlaıdy Egemen.kz qala ákimdiginiń resmı saıtyna silteme jasap.
Búginde «jasyl beldeý» aýmaǵynda qoıan, qarsaq, túlki, kekilik, qarǵa, qyryq qus mekendeıdi. Sondaı-aq qyrǵaýyldardy ósirý (ıntrodýksııalaý) júrgizilýde.
Bıyl qyrǵaýyl tuqymdasynyń sanyn arttyrý maqsatynda «jasyl beldeý» aýmaǵynda qyrǵaýyl fermasyn qaıta jańartý júrgizildi. Onyń ýchaskesiniń aýdany 1,2 ga quraıdy.
Ferma ınkýbatordan, balapandarǵa arnalǵan oryndardan, kóbeıý kezeńine arnalǵan ǵımarattardan, qysta ustaýǵa arnalǵan qorshaýlardan turady. Qyrǵaýyl aımaǵynyń jalpy ornalasýy qoldanystaǵy landshaftqa úılesimdi túrde sáıkes keledi. Nysannyń jobalyq qýattylyǵy – jylyna 2000 bas.
«Jasyl beldeý» aýmaǵynda qyrǵaýyldardy ósirý zııankesterden (jándikterden) qorǵaýdyń bıologııalyq tásili bolyp sanalady. Jasyl aımaqty orman jaǵdaıyna barynsha beıimdeýge, Qazaqstanda qyrǵaýyldardyń mekendeý ornyn keńeıtýge yqpal etedi», dep atap ótti tıisti basqarma.