Qazaqstandyq para taekvondoshylar 24 tamyz ben 5 qyrkúıek aralyǵynda Tokıoda jalaýy jelbireıtin Paralımpııa oıyndaryna taǵy 2 joldama jeńip aldy.
Qazaqstannyń Ulttyq paralımpıadalyq komıtetiniń baspasóz qyzmetiniń habarlaýynsha, Iordanııa astanasy – Ammanda ótip jatqan Azııa aımaqtyq irikteý jarysyna erler arasynda 75 kılo salmaqta qatysyp jatqan Nyshan О́miráli men áıelder arasynda 58 kıloda baq synaǵan Kámıla Aqylbaı týrnır jeńimpazy atanyp, Olımpıada joldamasyna ıe boldy.
Eske sala ketsek, byltyr qańtar aıynda paralımpıadashylar arasynda eń alǵashqy bolyp joldamany para taekvondoshy Nurlan Dombaev ıelengen edi. Jalpy esepte Qazaqstan quramasynan Tokıoda 3 para taekvondoshy baq synamaq.