Búgin Ekologııa vıse-mınıstri A.Pirimqulov Fransııanyń Qazaqstandaǵy Elshisi Dıde Kanesspen jáne Aqmola oblysy ákiminiń orynbasary M.Tatkeevpen kezdesti. Kezdesý barysynda Aqmola oblysynyń Aqkól qalasynda tamaq qaldyqtaryn jınaý jáne óńdeý boıynsha joba tanystyryldy.Jobanyń qatysýshylary «О́KM Operatory» JShS, qatty turmystyq qaldyqtarmen (QTQ) jumys isteý jónindegi Fransýz agenttigi – Syctom, fransýz ınjenerlik jobalaý ınstıtýty – Setec Énergie Environnement jáne Aqmola oblysynyń Aqkól aýdanynyń ákimdigi bolyp tabylady.2021 jylǵy aqpanda «О́KM Operatory» JShS Syctom-men ózara túsinistik týraly Memorandýmǵa qol qoıdy, onyń sheńberinde «О́KM Operatory» JShS, Syctom, Aqmola oblysynyń ákimdigi jáne Qazaqstan Respýblıkasynyń Ekologııa, geologııa jáne tabıǵı resýrstar mınıstrligi Jobany iske asyrý jónindegi Jol kartasyna qol qoıdy.Jobada Aqmola oblysynyń Aqkól qalasyndaǵy QTQ organıkalyq (taǵamdyq) fraksııasymen (budan ári – QTKOF) jumys isteý boıynsha zertteý jumysyn (TEN) kózdeıdi. TEN sátti oryndalǵan jaǵdaıda, Syctom jáne «О́KM Operatory» JShS keıinnen aıqyndalatyn TEN sheshimderin iske asyrýdy, onyń ishinde jergilikti atqarýshy organdar men jaýapty uıymnyń qatysýymen QTKOF-ty kompostırleý arqyly bólek jınaýdy jáne daıyn ónimge qaıta óńdeýdi júzege asyratyn uıymdardyń materıaldyq-tehnıkalyq bazasyn jetildirýdi qarjylandyrýdy josparlap otyr.TEN-de QTKOF-tyń paıda bolý kózderin, QTKOF-ty bólek jınaýǵa arnalǵan konteınerlerdiń (syıymdylyqtardyń) jáne QTKOF-ty qaıta óńdeý (komposttaý) jónindegi jabdyqqa jetkizýge arnalǵan arnaıy tehnıkanyń sanyn anyqtaý josparlanýda. Budan ári birinshi jyl ishinde Aqkól qalasynyń jabdyǵy men tehnıkasyn satyp alý jáne berý, ekinshi jyl ishinde qyzmetke monıtorıng júrgizý kózdeledi.Fransýz tarapy qaldyqtardy qaıta óńdeý (komposttaý) jónindegi jabdyqty satyp alýdy jáne jetkizýdi qarjylandyrady, al Operator olarǵa qyzmet kórsetý úshin konteınerler (syıymdylyqtar) men arnaıy tehnıkany satyp alýdy jáne jetkizýdi qarjylandyrady dep kútilýde. Sondaı-aq, alynatyn ónimge onyń qoldanylý salasyn bekite otyryp, ulttyq standartty (tehnıkalyq kompost) engizý josparlanýda.Kezdesý barysynda A.Pirimqulov qaldyqtardy bólý jáne qaıta óńdeý boıynsha mundaı jobalar qajet ekenin jáne bolashaqta úlken perspektıvalarǵa ıe ekenin atap ótti.