Tutynýshydan túsken shaǵym kóp

Máselen, búginde el azamat­tary ózderiniń tutynýshy re­tinde qorǵalý deńgeıine 67 paıyz­ǵa ǵana qanaǵattanady eken. Osy­dan-aq kóńilge kirbiń túsirer jaıt­­tardyń kóp ekenin ańǵarýǵa bolady.

Tutynýshylardyń quqyq­taryn qorǵaý komıteti taratqan resmı málimetke súıensek, 2020 jyly vedomstvoǵa 21 myńǵa jýyq tutynýshy júgingen. Bul 2019 jylmen salystyrǵanda 3,5 ese kóp. Al basqa memlekettik organdarǵa 49 myńǵa jýyq adam júginip, ádildik suraǵan. Osy oraıda 2019 jylǵy kórsetkish 30 myń adamdy quraǵan eken.

2021 jyldyń bes bes aıyn­daǵy kórsetkishter de máz emes. Qańtar-mamyr aralyǵynda 6 myń­nan astam ótinish kelip tús­ken. Statıstıka tutynýshylar quqyǵynyń buzylý deńgeıi joǵary ekenin kórsetip otyr. Bul týraly Tutynýshylardyń Quqyqtaryn qorǵaý jónindegi vedomstvoaralyq keńestiń otyrysynda Tutynýshylardyń quqyq­taryn qorǵaý komıtetiniń Tóraǵasy Asqar Tynysbekov málimdedi.

A.Tynysbekovtiń aıtýynsha, qazaqstandyqtardy jyl saıyn nesıe uıymdarynyń, lombardtardyń, aıyrbastaý pýnktteriniń teris is-árektterine baılanysty máseleler maza­laı­dy. Iаǵnı kelip túsken ótinish­terdiń 68 paıyzy qarjy qyz­metterine qatysty bolyp otyr.

Budan keıin ótinishterdiń kóp bóligi kólik qyzmetteri salasyna baǵyttalǵan, ıaǵnı 12 paıyz. Tutynýshylar paıdalanylmaǵan qyzmetter úshin aqshalaı qara­jatty qaıtarýdan bas tartý, qoǵamdyq kólikpen tasymaldaý erejelerin buzý sekildi máselelermen betpe-bet kelgen.

Medısınalyq qyzmetter salasyndaǵy shaǵymdar sany da eki ese artqan. О́tinishterdiń 3 paıyzy osy salaǵa tıesili. Azamattar dári-dármek pen medı­sınalyq buıymdardyń jetis­peýshiligin sezinýde. Son­daı-aq medısınalyq mekeme­ler­de kezek máselesi ótkir tur. Budan bólek karantındik sharalar saqtalmaıdy. О́kinishtisi, shaǵymdar tizimi munymen aıaq­tal­maıdy.

Baılanys qyzmetterine sha­ǵym aıtýshylar da bar eken. Kelip túsken ótinishterdiń 3,2 paıy­zy abonenttik tólemdi zań­syz alý, ınternet qyzmetterin sa­pa­­syz usyný, tarıftik jos­par quny­nyń ósýi sekildi máse­le­lerge baı­lanysty kelip tús­ken.

– 2021 jyly satýshy men satyp alýshy arasyndaǵy daýlardy tıimdi sheshý úshin «E-tutynushy» aqparattyq júıesi iske qosyldy. Júıe shaǵymdardy «bir tereze» qaǵıdaty boıynsha qabyldaıdy. «E-tutynushy» tutynýshylardyń quqyqtaryn qorǵaý sharalaryn bir jerde shoǵyrlandyrýǵa, shaǵym­dardy daıyndaý jáne olardy quzyretti organdarǵa jiberý rásimderin jeńildetýge jáne arzandatýǵa baǵyttalǵan, – deıdi Asqar Tynysbekov.

«E-tutynushy» barlyq óti­nish­i jáne olardy qaraý nátı­jelerin sıfrlandyrýǵa múm­kindik beredi. Sondaı-aq júıe kásipkerlerdiń tutyný­shy­larmen týyndaǵan daýlardy óz betinshe, onyń ishinde sot­qa deıingi tártippen sheshýge ar­nalǵan.

Eske sala keteıik, tutynýshy­lardyń quqyqtaryn qorǵaý júıesin jaqsartý maqsatynda tu­tyný quqyqtaryn qorǵaýdyń birtutas júıesin qurýǵa baǵyttalǵan is-sharalar jos­pary iske asyrylýda. Bul is-qımyl strategııasy tutyný naryǵynyń quqyqtyq ortasyn edáýir jaqsartady degen senim bar.