5 shilde kúni Astanada báıge túrlerinen Elbasy kýbogy respýblıkalyq týrnıri ótedi. Bul týraly Ulttyq sport túrleri qaýymdastyǵynyń prezıdenti Bekbolat Tileýhan Ortalyq kommýnıkasııalar qyzmetinde ótken baspasóz máslıhatynda aıtty, dep habarlaıdy Egemen.kz.
Jarysqa elimizdiń barlyq óńirinen 100-den astam sáıgúlik qatysady dep josparlanǵan. Shara barysynda alǵash ret qazaqtyń qazanaty sanalatyn Qostanaı tuqymdy jylqylardyń 23 shaqyrymdyq báıgesi ótedi.
Sonymen qatar 9 shaqyrymdyq qunan báıge, 16 shaqyrymdyq kishi alaman, 25 shaqyrymdyq alaman bolady.
Ulttyq sport túrleri qaýymdastyǵynyń prezıdentiniń aıtýynsha, báıgeniń jalpy júlde qory 21 mln teńgeni quraıdy.