Bas múftı Naýryzbaı qajy Taǵanuly Qurban aıt qarsańynda kásipkerlerge úndeý jasady. Bul týraly QMDB baspasóz qyzmeti habarlady, dep jazady Egemen.kz.
Mas múftı úndeýinde Qurban aıt kúni eń unamdy ári súıikti amal qurban shalý ekenin aıta kele, kásipkerlerdi mal qunyn qymbattatpaýdy ótindi.
«Aıt kúnderi halyq tarapynan mal satyp alýǵa degen suranystyń arta túsetini belgili. Osy rette elimizdegi barsha sharýa qojalyqtarynyń qojaıyndaryn ulyq meıram – Qurban aıttyń qurmetine mal qunyn sharyqtatpaı, halyqqa ońtaıly baǵany usynýǵa shaqyramyn. Sonymen qatar barsha kásipkerlerdi turǵyndar kúnde tutynatyn áleýmettik mańyzy bar azyq-túlik baǵasyna múmkindiginshe jeńildik jasaýǵa úndeımin. Qurban aıttyń negizgi máni musylmandar arasynda ózara meıirimdilik, jomarttyq, qaıyrymdylyq, qanaǵat syndy adamgershilik qundylyqtardy qalyptastyrý. Allanyń raqym nury tógiletin qurban aıtta jurtymyzǵa jaqsylyq jasap, kópshiliktiń rızashylyǵyna bóleneıik», dedi Naýryzbaı qajy Taǵanuly.
Aıta keteıik, Qazaqstan musylmandary dinı basqarmasy qýańshylyqtan zardap shekken óńirlerdegi sharýalarǵa qoldaý kórsetý maqsatynda «Qıyndyqta el birge» atty qaıyrymdylyq aksııasyn bastady. Aksııa aıasynda Qyzylorda, Mańǵystaý oblystaryna jem-shóp jóneltiletin bolady. Bas múftı osy ıgi iske úles qosyp, otandastarymyzǵa qol ushyn sozýǵa shaqyrdy.