Túrkistan oblysynyń polıseıleri kelin men qaıynápkesiniń arasyndaǵy oqıǵaǵa baılanysty pikir bildirdi dep habarlaıdy Egemen.kz.
Túrkistan oblysynda aqyl-esiniń damýynda tejeýi bar kelinshektiń betin qaıynbıkesi ystyq shanyshqymen kúıdirgen. Bul týraly jýrnalıst Gúlmıra Ábiqaı habarlaǵan. Kelinge mundaı qorlyq kórsetýge sebep bolǵan jaıt – gaz plıtasyn ýaqytyly jýmaýy.
«Otyrar APB-ǵa osy jazbadaǵy jaıt boıynsha eshkim aryzdanbaǵan jáne habarlama túsirmegen. Dese de, bul jaıt Túrkistan oblystyq Polısııa departamenti bastyǵynyń jeke baqylaýyna alyndy. Otyrar APB polıseılermen zań aıasyndaǵy tekserý jumystarynyń barlyǵy iske asyrylýda», delingen polısııa taratqan habarlamada.
Al búgin kelininiń betin ystyq shanyshqymen kúıdirgen áıel kópshilikten keshirim surady. «Bul qadamǵa ashýmen bardym» degen qaıyn ápkeniń vıdeomálimdemesi jýrnalıst Gúlmıra Ábiqaıdyń Instagram paraqshasynda jarııalanǵan.
«Men baıqamaı qaldym. Yza-kúıikten ashýlanyp istedim. Búkil Qazaqstan halqynan keshirim suraımyn. Endi mundaı qaıtalanbaıdy», deıdi ózin Baǵıla Káribaı dep tanystyrǵan áıel.