Altyn júldege – 250 myń AQSh dollary
Bıylǵy Sochı Olımpıadasynda Qazaqstan sportshylary chempıon atanyp nemese júldeli oryndardy ıelenip jatsa, qalyptasqan dástúr boıynsha memleket tarapynan qomaqty syıaqyǵa ıe bolady.
Dúnıe dodasynyń dúbiri
HHII Qysqy Olımpıadanyń bastalýyna 27 kún qaldy
Altyn júldege – 250 myń AQSh dollary
Bıylǵy Sochı Olımpıadasynda Qazaqstan sportshylary chempıon atanyp nemese júldeli oryndardy ıelenip jatsa, qalyptasqan dástúr boıynsha memleket tarapynan qomaqty syıaqyǵa ıe bolady.
Byltyr Olımpııa oıyndarynyń chempıondary men júldegerlerine jáne olardyń jattyqtyrýshylaryna tólenetin qarjy jaǵy mınıstrlikter men respýblıkalyq bıýdjettik komıssııanyń otyrystarynda qaralyp, jarystyń jeńimpazy men júldegerlerine mynadaı kólemde syıaqy tapsyrylatyny belgili boldy. Iаǵnı, otandastarymyz Olımpıada chempıony atanyp jatsa, oǵan 250 myń AQSh dollary tabys etiledi. Ekinshi orynǵa – 150 myń AQSh dollary, úshinshi orynǵa 75 myń AQSh dollary berilse, tórtinshi, besinshi jáne altynshy oryn alǵan sportshylarǵa da syıaqy tapsyrylady. Onda tórtinshi orynǵa – 30 myń, besinshi orynǵa – 10 myń, altynshy orynǵa 5 myń AQSh dollary beriledi.
Al basqa elderge kelsek, Reseıde Olımpıada chempıonyna 4 mln. rýbl nemese 122 myń AQSh dollary berilse, Belarýste birinshi orynǵa 150 myń dollar syıaqy tapsyrylatyny habarlandy. Qytaıda Olımpıada chempıonyna beriletin syıaqy budan azdaý. Bul elde birinshi orynǵa 50 myń AQSh dollary taǵaıyndalsa, Fransııada chempıon 50 myń eýro nemese 68 myń AQSh dollaryn alady. Germanııa bolsa, úzdik sportshylaryna 25 myń eýro nemese 34 myń AQSh dollaryn daıyndap otyr. Kanadada 13 myń eýro nemese 17,500 AQSh dollary taǵaıyndalǵan. Bir qyzyǵy, sportshylary Olımpıada chempıony atanyp jatsa da syıaqy bermeıtin elder de bar. Mysaly, Jańa Zelandııa, Soltústik Koreıa, Norvegııa men Shvesııada Olımpıada úzdigine aqshalaı syıaqy bermeıdi. Biraq sportshylaryn basqa jaǵynan qamtamasyz etetini anyq. Al júldeli oryndardan úmitkerleri kóp elder bárine 250 myń, 150 myń jáne 75 myń dollardan berse, biraz shyǵynǵa batatyny taǵy bar. Osyny da eskerý kerek sekildi.
Dastan KENJALIN,
«Egemen Qazaqstan».
Bollıvýd juldyzdary Olımpıadaǵa baratyn
úndi sportshysyna aqsha jınap jatyr
Sochıdegi Olımpııa oıyndaryna baratyn birneshe dúrkin Azııa chempıony Shıva Keshavanǵa qarjylaı kómek kórsetý úshin Úndistan men ózge de memleketterden «Ketto» onlaın-platformasy arqyly 15 myń dollarǵa jýyq qarajat jınaldy.
Tanymal bollıvýd juldyzy Kýnal Kapýr jetekshilik etken kompanııa atalmysh qorǵa 1 mln. rýpıı aýdardy. Keıinnen sportshyǵa qarjylaı qoldaý kórsetýge tennısshi Leander Paes, sondaı-aq, Abhıshek Bachchan men Frıda Pınto atty akterler de atsalysqan. Jınalǵan qarjy negizinen Shıva Keshavanǵa jańa shańǵy satyp alýǵa jumsalatyn kórinedi.
Shıva Keshavan 1998 jyly Japonııada ótken Olımpıadada eń jas shańǵyshy retinde óner kórsetken bolatyn. Keıinnen ol 2002, 2006 jáne 2010 jyldary ótken Olımpıadalarǵa qatysyp, Azııada shańǵy sportynan birneshe ret rekord jasaǵan edi. «Men Gımalaıdyń bókterinde týyp-óstim. Ol jerde qysta, kóshelerdiń barlyǵy qarmen jabylǵan kezde, jergilikti balalar qoldan jasalǵan shańǵy men shanalaryn alyp shyǵyp, syrǵanap oınaıtyn. Osylaısha, men qysqy oıyn túrlerine qatty áýestenip, 1996 jyldan bastap Úndistanda ótkizilgen jarystardan qalmaıtyn boldym, – deıdi sportshy ITAR-TASS tilshisine bergen suhbatynda. – Jarystardyń birinde maǵan avstrııalyq jattyqtyrýshynyń kózi tústi. Meniń sportshylyq mansabym sol kezden bastaldy».
Alaıda, on jyldan astam ýaqyttan beri Shıva Keshavannyń óz shańǵysy bolmaǵan. Sondaı-aq, oǵan osy kúnge deıin úkimet tarapynan eshqandaı kómek kórsetilmegen eken.
Aıdar О́RISBAEV,
«Egemen Qazaqstan».