Tassýattyń tas baltasy

Arheologterdiń aıtýyna qaraǵanda, erliktiń soraby óri­lip jatqan ıen daladan ta­bylǵan qundy jádiger osydan shamamen tórt myń jyl bu­ryn, ıaǵnı qola dáýirindegi Andronovtar mádenıetine tıe­sili eken. Mamandar bal­ta mys pen qalaıynyń qosyn­dysynan jasalǵan degen boljam aıtyp otyr. Taza salmaǵy 900 gramm sha­masynda.

Bul oqıǵa at basyndaı altyn taýyp alǵanmen para-par dúnıe boldy. Tassýattyń tóskeıine eski zamannyń ele­­sin indetip zert­teýge ińkárlar aǵylyp kelip jatyr. Nur-Sultan qalasyndaǵy L.N.Gýmılev atyndaǵy Eýrazııa ulttyq ýnıversıtetiniń arheo­logııalyq toby da kelip, zertteý jumystaryn júrgizdi.

Kóne jádigerdi aýyl tur­ǵyny Qýandyq Jambaev mal baǵyp júrgende taýyp alsa kerek.

–Týǵan jerdiń oıy men qyryn jaqsy bilemin ǵoı, – deı­di Qýandyq. – Mamyr aıy­nyń basynda oılamaǵan jerden osyndaı oljaǵa kezik­tim. Qolyma ustap kór­dim de, taqymyma qysa sal­ǵanmyn. Bizdiń úıdiń bosa­ǵasynda biraz ýaqyt jatty. Keıin kórshime kórsetpek boldym. Kórshim Damır Gafa­rov aýyl mektebinde tarıh páninen sabaq beredi ǵoı, ári bilim oshaǵyndaǵy mýzeıdiń meńgerýshisi.

Kórshisi bir kórgennen-aq qupııasy mol, qundy zat ekenin uqqan. Olja týraly jarııalap, tıisti oryndarǵa habar ber­gen. Tórt myń jyldyq ta­rıhy bar aıbalta qazir ob­lystyq ólketaný mýzeıiniń qo­rynda. Zertteý jumystary bas­­talyp ketti. Aıbaltanyń aıqabaq júzinde kóne dúnıeniń kóleńkesi bar ekendigi sózsiz. Ýa­qyt shymyldyǵyn serpe bil­gen maman talaı syrdy asha­tyndyǵyna kúmán joq.

Aqmola oblysy,

Jarqaıyń aýdany