«Dańq» saıabaǵynyń saltanaty

Oıyl aýdanynyń ortaly­ǵynda «Dańq» saıabaǵy salynyp jatqany týraly buryn da jazǵanbyz. Ja­qynda Oıyl aýylynda jańadan boı kótergen osy saıabaq saltanatty jaǵdaıda ashyldy. Saıabaqtyń saltanatty ashylý rásimine aýdanǵa jumys saparymen kelgen oblys ákimi Arhımed Muhambetov qatysty.

Oıyl aýdanynyń ortaly­ǵynda «Dańq» saıabaǵy salynyp jatqany týraly buryn da jazǵanbyz. Ja­qynda Oıyl aýylynda jańadan boı kótergen osy saıabaq saltanatty jaǵdaıda ashyldy. Saıabaqtyń saltanatty ashylý rásimine aýdanǵa jumys saparymen kelgen oblys ákimi Arhımed Muhambetov qatysty.

Atalmysh saıabaqtyń qury­lysy oblystyq «Kórkeıe ber, týǵan jer!» aksııasynyń aıasynda «Anvar» JShS qoldaýymen júrgizildi. Jalpy aýmaǵy 5,5 myń sharshy metrden asatyn saıa­baq alańyna qazaqtyń aıaýly qyzdarynyń biri Botagóz batyrǵa arnalǵan eskertkish ornatylyp, eki júzden astam aǵash kóshetteri otyrǵyzylǵan. Botagóz batyr – tama Eset batyrdyń qyzy, Ájibaı bıdiń kelini. Ol jasynan ójet, sheshen bolyp ósken, qazaq jerin shapqynshy qalmaqtardan azat etýge qatysqan  Botagóz batyrdyń Ájibaı bıdiń aýylyna shapqan shapqynshylardy talqandaǵan jer – Temir aýdanynyń aýmaǵynda  «Qalmaqqyrǵan» dep atalady. Oblys ákimi «Dańq» saıabaǵymen birge Botagóz batyrdyń eskert­kishin saltanatty túrde ashty. Eskertkishtiń ashylýynda sóz alǵan óńir basshysy Kókjar jeri­niń tarıhı muralarǵa baı ekenin, qundy jádigerlerdiń kóptep saqtalǵanyn aıtty. Ol bıyldan bastap Oıylǵa gaz qubyryn tartý jumystary bas­talatynyn jetkizdi. Bul maqsatqa bıýdjet­ten 380 mln. teńge qarjy bólinipti.

Saltanatty sátte oblys ákimi aýdan­da memlekettik turǵyn úı baǵ­darlamasy aıasynda salynǵan alty turǵyn úıdiń kiltin tapsyrdy.

Satybaldy SÁÝIRBAI,

«Egemen Qazaqstan».

Aqtóbe oblysy.